കുവൈത്ത് സിറ്റി: കുവൈറ്റിലെ മെട്രോ മെഡിക്കൽ ഗ്രൂപ്പ് പത്താം വാർഷികത്തോടനുബന്ധിച്ചു ഒരു വർഷം നീണ്ടുനിൽക്കുന്ന എക്സ്ക്ലൂസീവ് ഓഫറുകൾ പ്രഖ്യാപിച്ചു. 2025 ജനുവരി 1 മുതൽ ഡിസംബർ 31 വരെ മെട്രോയുടെ എല്ലാ മെഡിക്കൽ സെൻ്ററുകളിലും എല്ലാ ബില്ലുകൾക്കും 30% ക്യാഷ്ബാക്ക് ഉണ്ടായിരിക്കും. എല്ലാ ഫാർമസി പർച്ചേസിനും 15% ക്യാഷ്ബാക് എല്ലാ മെട്രോ ഫർമാസികളിലും ഒരുക്കിയിട്ടുണ്ടെന്നും മെട്രോ മാനേജ്‌മന്റ് അറിയിച്ചു. ഡോക്‌ടർ കൺസൾട്ടേഷനുകൾ, റേഡിയോളജി, ഡേ കെയർ സർജറികൾ, സി ടി, ഓപ്പൺ എം ആർ ഐ, ക്ലോസ്ഡ് എം ആർ ഐ , മാമ്മോഗ്രാഫി, ബി എം ഡി, ലാബ് പരിശോധനകൾ തുടങ്ങി എല്ലാത്തിനും ഓഫർ ലഭ്യമാണ്. ഇൻഷുറൻസ് രോഗികൾക്ക് 2026 വരെ സാധുതയുള്ള പ്രത്യേക കൂപ്പണുകളും ലഭ്യമാക്കിയിട്ടുണ്ട്. ഈ കൂപ്പണുകൾ സ്വയം ഉപയോഗിക്കുകയോ മറ്റുള്ളവർക്ക് നൽകുകയോ ചെയ്യാം. കൂടാതെ 1 കെ.ഡി മുതൽ 10 കെ.ഡി വരെയുള്ള ലാബ് പാക്കേജുകളും 2025 ഡിസംബർ വരെ ലഭ്യമാണ്. ഈ പാക്കേജുകൾക്ക് സ്പെഷ്യൽ ഡിസ്‌കൗണ്ട് ആയ 30 % ക്യാഷ്ബാക്ക് ലഭ്യമല്ല. എല്ലാവർക്കും മിതമായ നിരക്കിൽ ചികിത്സാസഹായം ലഭ്യമാക്കുക എന്നതാണ് ഇതു കൊണ്ട് ലക്ഷ്യമിടുന്നത്. മെട്രോയുടെ എല്ലാ ബ്രാഞ്ചുകളിലും ഉടൻ തന്നെ കൂടുതൽ സ്പെഷ്യലിറ്റി ഡോക്ടർമാർ ജോയിൻ ചെയ്യുമെന്നും എല്ലാ നാഷണാലിറ്റി ഡോക്ടർമാരും ഇതിൽ ഉൾപെട്ടിട്ടുണ്ടെന്നും മെട്രോ മെഡിക്കൽ ഗ്രൂപ്പ് ചെയർമാനും സി ഇ ഒയുമായ മുസ്തഫ ഹംസ പറഞ്ഞു. മെട്രോയുടെ പത്താം വാർഷിക ലോഗോ പ്രകാശന ചടങ്ങും മെട്രോ ഗ്രൂപ്പ് മെഡിക്കൽ ഡയറക്ടേഴ്സും പത്താം വാർഷിക കമ്പനി സ്പോൺസർമാരും ചേർന്ന് നിർവഹിച്ചു. പത്താം വാർഷികത്തോടനുബന്ധിച്ചു എല്ലാ കമ്പനി സ്പോൺസർമാർക്കും പ്രത്യേകം ആദരം നൽകി. 24/7 എമർജൻസി കെയർ, പീഡിയാട്രിക്‌സ്, കാർഡിയോളജി, ഡെർമറ്റോളജി, ഇന്റേണൽ മെഡിസിൻ , ന്യൂറോളജി, ഒഫ്താൽമോളജി , ഓർത്തോപീഡിക്‌സ് എന്നിവയുൾപ്പെടെ മെട്രോയുടെ എല്ലാ ഹെൽത്ത് കെയർ സെൻ്ററുകളിലുടനീളം വിപുലമായ സേവനങ്ങൾ നൽകുന്നു. വാർത്താ സമ്മേളനത്തിൽ ചെയർമാനും സിഇഒ യുമായ മുസ്തഫ ഹംസ,മാനേജിംഗ് ഡയറക്ടർ ഇബ്രാഹിം കുട്ടി, പാർട്ണർസായ ഡോ. ബിജി ബഷീർ, ഡോ .അഹ്മദ് അൽ ആസ്‌മി എന്നിവർ പങ്കെടുത്തു.
