കുവൈത്ത് സിറ്റി: അംഘാര സ്‌ക്രാപ്പ് ഏരിയയിലെ ഫാക്ടറിയിൽ ടാങ്ക് പൊട്ടിത്തെറിച്ച് ഒരു തൊഴിലാളി മരിച്ചു. സംഭവത്തിൽ ഒരാൾക്ക് പരിക്കേൽക്കുകയും ചെയ്തു. ടാങ്കിലെ കമ്മാരപ്പണിക്കിടെയാണ് സ്ഫോടനം ഉണ്ടായത്. സ്ഫോടനത്തിൽ ഫാക്ടറിയിൽ കാര്യമായ കേടുപാടുകൾ ഉണ്ടായി. സ്‌ഫോടനത്തെ തുടർന്ന് അഗ്നിശമന സേനാംഗങ്ങൾ ഉടൻ സ്ഥലത്തെത്തി സ്ഥിതിഗതികൾ നിയന്ത്രണവിധേയമാക്കി. സംഭവത്തെ തുടർന്ന് കൂടുതൽ അന്വേഷണത്തിനായി സ്ഥലം ബന്ധപ്പെട്ട അധികാരികൾക്ക് കൈമാറി. സ്‌ഫോടനത്തിന്‍റെ കാരണങ്ങൾ വിശദമായി പരിശോധിക്കും. അന്വേഷണം ആരംഭിച്ചിട്ടുണ്ട്.
