കുവൈത്ത് സിറ്റി: പ്രവാചകൻ വിശ്വ വിമോചകൻ കാമ്പയിനിൻ്റെ സമാപനം കുറിച്ചു കൊണ്ടുള്ള പൊതുസമ്മേളനത്തിൽ പങ്കെടുക്കാൻ നാട്ടിൽ നിന്നുള്ള അതിഥികൾ കുവൈത്തിലെത്തി. എഴുത്തുകാരനും പ്രഭാഷകനുമായ ടി മുഹമ്മദ് വേളം, പ്രമുഖ ചിന്തകൻ സണ്ണി കപിക്കാട് എന്നിവർക്ക് കെ.ഐ.ജി പ്രവർത്തകർ കുവൈത്ത് അന്തരാഷ്ട്ര വിമാനതാവളത്തിൽ സ്വീകരണം നൽകി. നാളെ വൈകീട്ട് 6 മണിക്ക് അബ്ബാസിയ ആസ്പെയർ ഇന്റർനാഷണൽ സ്‌കൂളിലാണ് പൊതുസമ്മേളനം. സമ്മളനത്തിൽ കെ.ഐ.ജി. പ്രസിഡണ്ട് പി ടി ശരീഫ് അധ്യക്ഷതവഹിക്കും. കുവൈത്തിലെ മത സാമൂഹ്യ സാംസ്‌കാരിക രംഗത്തെ പ്രമുഖർ സമ്മേളനത്തിൽ സംബന്ധിക്കും.
