കുവൈത്ത് സിറ്റി: യുഎസ് ആർമി ക്രിമിനൽ ഇൻവെസ്റ്റിഗേഷൻ കമാൻഡിലെ പ്രത്യേക ഏജന്റുമാർ അമേരിക്കൻ സൈനികർ കുവൈത്തിൽ നിയമവിരുദ്ധമായി
പന്നിയിറച്ചി ഉൽ‌പ്പന്നങ്ങൾ ഉപയോഗിക്കുകയോ പുനർ‌വ്യാപാരം നടത്തുകയോ ചെയ്തോ എന്നത് സംബന്ധിച്ച് അന്വേഷണം പുരോഗമിക്കുന്നു.
അന്വേഷണ പ്രക്രിയയുടെ സമഗ്രത സംരക്ഷിക്കുന്നതിനായി കൂടുതൽ വിവരങ്ങൾ ഇപ്പോൾ പുറത്തുവിടാനാവില്ല എന്ന് സിഐഡിയുടെ വക്താവ് ക്രിസ് ഗ്രേ പറഞ്ഞു.അമേരിക്കൻ പൗരൻ കുവൈത്തിൻ്റെ മണ്ണിൽ നിരോധിത പന്നിയിറച്ചി വിൽക്കുകയാണെങ്കിൽ, അവരെ കുവൈറ്റ് നിയമപ്രകാരം ശിക്ഷിക്കാം.സ്റ്റേറ്റ് ഡിപ്പാർട്ട്‌മെന്റിന്റെ ഓവർസീസ് സെക്യൂരിറ്റി അഡ്വൈസറി കൗൺസിലും യുഎസ് പൗരന്മാർ കുവൈത്തിലെ നിയമങ്ങൾക്കും ചട്ടങ്ങൾക്കും വിധേയരാണ് പറയുന്നു. കഴിഞ്ഞ
ഡിസംബർ 1ന് ലെതാലിറ്റി ജെയ്ൻ എന്നയാൾ റെഡ്ഡിറ്റ് പോസ്റ്റിന്റെ ഒരു ഫോട്ടോ ട്വീറ്റ് ചെയ്തു, അതിൽ കുവൈത്തിൽ നിലയുറപ്പിച്ച യുഎസ് സൈനികർ പന്നിയിറച്ചി കരിഞ്ചന്തയിൽ പങ്കെടുക്കുന്നുവെന്ന് തോന്നിപ്പിക്കൂന്നതായിരുന്നു.
ക്യാമ്പുകൾക്ക് പുറത്ത് പന്നിയിറച്ചി കടത്തുന്നതിനുള്ള ശിക്ഷ ജീവപര്യന്തം തടവാണെന്ന് സർക്കുലറിൽ മുന്നറിയിപ്പ് നൽകിയിട്ടുണ്ട്. കുവൈറ്റ് പീനൽ കോഡ് 112/2013 ലെ ആർട്ടിക്കിൾ 13 പ്രകാരം പന്നിയിറച്ചി വിൽക്കുന്നതിനുള്ള ശിക്ഷ 3 മാസം മുതൽ 3 വർഷം വരെ തടവാണ്.
