കുവൈത്ത് സിറ്റി: കുവൈറ്റിലെ ആറ് ഗവർണറേറ്റുകളിലെ വിവിധ സെക്കൻഡറി ട്രാൻസ്ഫോർമർ സ്റ്റേഷനുകളിൽ ഇന്ന് അറ്റകുറ്റപ്പണികൾ ആരംഭിച്ചതായി വൈദ്യുതി, ജലം, പുനരുപയോഗ ഊർജ മന്ത്രാലയം ഔദ്യോഗികമായി അറിയിച്ചു. ഒക്ടോബർ 12 വരെ ഇത് നീണ്ടുനിൽക്കും. അറ്റകുറ്റപ്പണി നടക്കുന്നതിനാൽ രാജ്യത്തെ നിരവധി പ്രദേശങ്ങളിൽ വൈദ്യുതി മുടങ്ങും. അറ്റകുറ്റപ്പണികൾ രാവിലെ 8:00 മണിക്ക് ആരംഭിക്കുമെന്നും ഏകദേശം നാല് മണിക്കൂർ നീണ്ടുനിൽക്കുമെന്നും മന്ത്രാലയം പ്രസ്താവനയിൽ പറഞ്ഞു . എന്നിരുന്നാലും, അറ്റകുറ്റപ്പണികളുടെ നിർദ്ദിഷ്ട വ്യവസ്ഥകളും ആവശ്യകതകളും അനുസരിച്ച് ഈ സമയപരിധി വ്യത്യാസപ്പെടാം.
