കുവൈത്ത് സിറ്റി: പ്രമുഖ റേഡിയോ അവതാരിക ആർ ജെ ലാവണ്യ (രമ്യാ സോമസുന്ദരം, 41) അന്തരിച്ചു. കുവൈത്തിലെ ആദ്യ മലയാളം റേഡിയോയായ യു എഫ് എം ൽ അവതാരികയായിരുന്നു. ദുബായ് ആസ്ഥാനമായ റേഡിയോ കേരളം 1476 AM ൽ സീനിയർ റേഡിയോ ജോക്കി ആയി ജോലി ചെയ്തു വരികയായിരുന്നു. തിരുവനന്തപുരം തമലം കുഞ്ഞാലുമ്മൂട് ആലുംതറ ലൈന്‍ മരിയന്‍ അപാര്‍ട്‌മെൻിലായിരുന്നു താമസം. അർബുദ രോഗബാധയെ തുടർന്ന് ചികിത്സയിൽ ആയിരുന്നു.പതിനഞ്ചു വര്‍ഷത്തിലേറെയായി റേഡിയോ രംഗത്തു പ്രവര്‍ത്തിക്കുന്ന ലാവണ്യ ക്ലബ് എഫ്എം, റെഡ് എഫ്എം, യുഎഫ്എം, റേഡിയോ രസം എന്നീ സ്ഥാപനങ്ങളില്‍ ജോലി ചെയ്തിരുന്നു. ദുബായിലെ റേഡിയോ കേരളത്തിലൂടെയാണ് പ്രവാസി മലയാളികള്‍ക്ക് കൂടുതല്‍ സുപരിചിതയായത്.2012 മുതൽ 13 വരെയാണ് കുവൈത്തിൽ ആരംഭിച്ച യുഎഫ്.എം റേഡിയോയിൽ അവതാരികയായിജോലി ചെയ്തിരുന്നത്. കര്‍ണാടക സംഗീതജ്ഞനും, സംഗീത സംവിധായകനുമായ നവനീത് വര്‍മ (അജിത് പ്രസാദ്) യാണ് ഭര്‍ത്തവ്. അച്ഛന്‍ പരേതനായ സോമസുന്ദരം. അമ്മ ശശികല. വസുന്ധര, വിഹായസ് എന്നിവര്‍ മക്കളാണ്.
