കോളനി, സങ്കേതം, ഊര് എന്ന പേര് ഒഴിവാക്കികൊണ്ടുള്ള ചരിത്ര ഉത്തരവിട്ട് കെ. രാധാകൃഷ്ണൻ എം.പി മന്ത്രി സ്ഥാനം രാജിവെച്ചു. പട്ടിക വിഭാഗക്കാർ കൂടുതലായി താമസിക്കുന്ന മേഖലകളെ “കോളനി,” “സങ്കേതം”,ഊര്” എന്നീ പേരുകളിലാണ് നിലവിൽ അഭിസംബോധന ചെയ്യുന്നത്. ഈ പേരുകളിൽ അവമതിപ്പിന് കാരണമാകുന്നതിനാലാണ് ഇവക്ക് പകരം പുതിയ നാമകരണം നടത്തുന്നത്. “കോളനി,” “സങ്കേതം”, “ഊര്” എന്നീ പേരുകൾക്ക് പകരമായി “നഗർ”, “ഉന്നതി”, “പ്രകൃതി” മുതലായ പേരുകളോ, ഓരോ സ്ഥലത്തും പ്രാദേശികമായി താൽപര്യമുള്ള കാലാനുസൃതമായ പേരുകളോ ഉപയോഗിക്കാമെന്നാണ് ഉത്തരവ്.
