കുവൈത്ത് സിറ്റി : ഇന്ത്യ 78-ാമത് സ്വാതന്ത്ര്യ ദിനം ആഘോഷിക്കുന്ന അവസരത്തിൽ കുവൈത്തിൽ താമസിക്കുന്ന എല്ലാ ഇന്ത്യൻ പൗരന്മാർക്കും ഇന്ത്യൻ വംശജർക്കും ഹൃദയംഗമമായ ആശംസകൾ നേർന്ന് കുവൈത്തിലെ ന്ത്യൻ അംബാസഡർ ഡോ.ആദർശ് സ്വൈക.
ഇന്ത്യൻ അംബാസഡറുടെ സ്വാതന്ത്യ ദിന സന്ദേശത്തിൽ നിന്ന്
‘നമ്മുടെ ഇരു രാജ്യങ്ങളും തമ്മിലുള്ള ദൃഢവും സൗഹൃദപരവുമായ ബന്ധത്തിന് ഉറച്ച പിന്തുണ നൽകിയതിന് കുവൈറ്റിലെ ഭരണ നേതൃത്വത്തിനും ജനങ്ങൾക്കും എൻ്റെ അഗാധമായ നന്ദി അറിയിക്കാൻ ഞാൻ ആഗ്രഹിക്കുന്നു. ദീർഘകാലമായി നിലനിൽക്കുന്ന ഈ പങ്കാളിത്തം കൂടുതൽ ശക്തിപ്പെടുത്തുന്നതിനും വിപുലീകരിക്കുന്നതിനും ഇന്ത്യ പ്രതിജ്ഞാബദ്ധമാണ്.നാം സ്വാതന്ത്ര്യത്തിൻ്റെ 78 വർഷം ആഘോഷിക്കുമ്പോൾ, ‘ആത്മനിർഭർ ഭാരത്’ എന്ന പുനരുത്ഥാനവും സ്വാശ്രയവുമായ ആശയം പിന്തുടരുന്നതിലെ സുപ്രധാന നാഴികക്കല്ലാണിത്. ഇന്ത്യൻ പ്രധാനമന്ത്രി നരേന്ദ്ര മോദി `അമൃത് കാൽ: വിഷൻ 2047 പദ്ധതിയിലൂടെ ഇന്ത്യയെ ഒരു വികസിത രാഷ്ട്രമാക്കി മാറ്റാൻ ലക്ഷ്യമിടുകയാണ്. ഈ ലക്ഷ്യത്തിനായി ഉത്സാഹത്തോടെ പ്രവർത്തിക്കേണ്ടത് എല്ലാ ഇന്ത്യൻ പൗരന്മാരുടെയും ഉത്തരവാദിത്തമാണ്.സ്വാതന്ത്ര്യദിന ആഘോഷവേളയിൽ ഇന്ത്യയുടെ നിരവധി നേട്ടങ്ങളിൽ നാം അഭിമാനിക്കുന്നു. സമത്വ വികസനത്തിനായുള്ള നമ്മുടെ പ്രതിബദ്ധതയാണ് വിവിധ സാമൂഹിക-സാമ്പത്തിക നയങ്ങളുടെ അടിസ്ഥാന ശില. ജനാധിപത്യം, ബഹുസ്വരത, നാനാത്വത്തിൽ ഏകത്വം എന്നീ തത്വങ്ങൾ ഇന്ത്യൻ സമൂഹത്തിൽ ആഴത്തിൽ വേരൂന്നിയതാണ്. അത് ‘സർവധർമ്മ സംഭവ’ (എല്ലാ മതങ്ങളുടെയും സമത്വം), ‘വസുധൈവ കുടുംബകം’ (ലോകം ഒരു കുടുംബം) എന്നീ പ്രാചീന തത്ത്വചിന്തകളാലാണ് നയിക്കപ്പെടുന്നത്. ആഗോള വെല്ലുവിളികൾക്കിടയിലും കാര്യമായ പുരോഗതി കൈവരിച്ച ശക്തമായ സമ്പദ്‌വ്യവസ്ഥയുള്ള നാടാണ് . ലോകത്തെ ഏറ്റവും മികച്ച അഞ്ച് ആഗോള സമ്പദ്‌വ്യവസ്ഥകളിൽ ഒന്നാണ് ഇന്ത്യ. വിവര സങ്കേതക വിദ്യ, ബഹിരാകാശ പര്യവേഷണം തുടങ്ങി വിവിധ മേഖലകളുടെ സംഭാവനകളാണ് ഇന്ത്യയെ ഈ ഒരു പദവിയിലേക്കെത്തിക്കുന്നത്.ഇന്ത്യയുടെ കുവൈറ്റുമായുള്ള ഉഭയകക്ഷി ബന്ധം പുരോഗതിയിൽ തുടരുകയാണ്. വിവിധ തലങ്ങളിലുള്ള വർദ്ധിച്ച ഇടപഴകലും വ്യാപാരവും നിക്ഷേപവും ഇതന് അടിത്തറ പാകുന്നു. ഇരു രാജ്യങ്ങളുടെയും ആളുകൾ തമ്മിലുള്ള സമ്പർക്കങ്ങൾ നമ്മുടെ ഉഭയകക്ഷി ബന്ധങ്ങളുടെ അടിത്തറയാണ്. കുവൈറ്റിലെ വലിയ ഇന്ത്യൻ സമൂഹത്തിൻ്റെ ക്ഷേമത്തിന് മുൻഗണന നൽകിക്കൊണ്ട് ഇന്ത്യൻ എംബസി’ഹോം എവേ ഫ്രം ഹോം’ ആയി പ്രവർത്തിക്കുന്നു. ഇന്ത്യൻ കമ്മ്യൂണിറ്റി അസോസിയേഷനുകൾ, പ്രൊഫഷണൽ ബോഡികൾ, സാംസ്കാരിക ഗ്രൂപ്പുകൾ, മാധ്യമ പ്രതിനിധികൾ എന്നിവരെ സമൂഹത്തെ പിന്തുണയ്ക്കുന്നതിനും ഇന്ത്യ-കുവൈത്ത് ബന്ധം ശക്തിപ്പെടുത്തുന്നതിനുമുള്ള അവരുടെ ശ്രമങ്ങൾക്കും എൻ്റെ അഭിനന്ദനങ്ങൾ അറിയിക്കുന്നു. ഇന്ത്യയുടെ 78-ാമത് സ്വാതന്ത്ര്യ ദിനത്തിൻ്റെ അഭിമാനവും സന്തോഷവും നിറഞ്ഞ ഈ അവസരത്തിൽ, കുവൈറ്റിലെ ഓരോ ഇന്ത്യക്കാരനും വിജയവും ആരോഗ്യവും ക്ഷേമവും നേരുന്നു. ‘
