കുവൈറ്റ്: ന്യൂുനപക്ഷങ്ങളെ തടങ്കൽപാളയങ്ങളിൽ തള്ളി ഇന്ത്യയെ ഹിന്ദു രാഷ്ട്രമാക്കാന്‍ നടക്കുന്ന ശ്രമങ്ങളെ രാജ്യത്തെ യഥാർഥ ഹിന്ദുക്കൾ പ്രതിരോധിക്കുമെന്ന് കോൺഗ്രസ് നേതാവ് ടി.സിദ്ദീഖ്. ഗോൾവാൾക്കറുടെ വിചാരധാര ഇന്ത്യയിൽ നടപ്പാക്കാനാണ് സംഘരിവാർ ശ്രമിക്കുന്നത്. എന്നാൽ ഇന്ത്യൻ തെരുവുകൾക്ക് ഈ ഭരണത്തെ തിരുത്താൻ ശക്തിയുണ്ടെന്നും കോഴിക്കോട് ഡി.സി.സി പ്രസിഡൻറ് കൂടിയായ സിദ്ദീഖ് വ്യക്തമാക്കി.
കുവറൈവിൽ ഓ.ഐ.സി.സി കോഴിക്കോട് ജില്ലാ കമ്മിറ്റിയുടെ അഞ്ചാം വാർഷികത്തോടനുബന്ധിച്ച്‌ പൊതുസമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഹിന്ദുമതം സ്നേഹത്തിന്റെയും സാഹോദര്യത്തിന്റെയും മതമാണ്. പക്ഷെ അതിനെ വെറുപ്പിന്റെയും വിദ്വേഷത്തിന്റെയും മതമാക്കുകയാണ് സംഘപരിവാർ ചെയ്യുന്നത് എന്നും അദ്ദേഹം ആരോപിച്ചു.
അബ്ബാസിയ പോപ്പിൻസ്‌ ഹാളിൽ നടന്ന ഒ.ഐ.സി.സി ജില്ല പ്രസിഡൻറ് കൃഷ്ണൻ കടലുണ്ടി അധ്യക്ഷത വഹിച്ചു. ദേശീയ പ്രസിഡൻറ് വർഗീസ് പുതുക്കുളങ്ങര, കെ.എം.സി.സി നാഷനൽ പ്രസിഡൻറ് ഷറഫുദ്ദീൻ കണ്ണേത്ത്, ഒ.ഐ.സി.സി വൈസ് പ്രസിഡൻറ് ഹമീദ് കേളോത്ത്, ജനറൽ സെക്രട്ടറിമാരായ ബി.എസ്. പിള്ള, ബിനു ചേമ്പാലയം എന്നിവർ സംസാരിച്ചു. ടി.കെ. ശംസുദ്ദീൻ സ്വാഗതവും ഷൗക്കത്ത് മൂച്ചുകുന്ന് നന്ദിയും
പറഞ്ഞു.
