തിരുവനന്തപുരം: എൽ.ഡി.എഫ് കൺവീനർ സ്ഥാനത്തുനിന്ന് മുതിർന്ന നേതാവ് ഇ.പി ജയരാജനെ സി.പി.എം സംസ്ഥാന സെക്രട്ടേറിയറ്റ് നീക്കി. സ്ഥാനമൊഴിയാൻ അദ്ദേഹം സന്നദ്ധത പ്രകടിപ്പിച്ചതായി വൃത്തങ്ങൾ അറിയിച്ചു. ജയരാജൻ ശനിയാഴ്ച നടക്കുന്ന സിപിഎം സംസ്ഥാന സെക്രട്ടേറിയറ്റ് യോഗത്തിൽ പങ്കെടുക്കില്ല. ടിപി രാമകൃഷ്ണൻ സ്ഥാനാർത്ഥിയാകുമെന്നാണ് സൂചന. ഇക്കാര്യത്തിൽ ഇതുവരെ തീരുമാനമൊന്നും അറിയിച്ചിട്ടില്ലെന്ന് രാമകൃഷ്ണൻ പറഞ്ഞു. ഇന്ന് വൈകീട്ട് 3.30ന് സിപിഎം സംസ്ഥാന സെക്രട്ടറി എം.വി.ഗോവിന്ദൻ വാർത്താസമ്മേളനം നടത്തും.
