റിയാദ്: വിശുദ്ധ കഅ്ബയുടെ താക്കോൽ സൂക്ഷിപ്പുകാരനായിരുന്ന ഡോ. സാലിഹ് ബിൻ സൈനുൽ ആബിദീൻ അൽ ഷൈബി അന്തരിച്ചു. അന്ത്യം സംഭവിച്ചത് ഇന്ന് രാവിലെ മക്കയിലായിരുന്നു. അദ്ദേഹം കഅ്ബയുടെ 109-ാമത്തെ സംരക്ഷകനായിരുന്നു. ഡോ. സാലിഹ് ബിൻ സൈനുൽ ആബിദീൻ അൽ ഷൈബി ജനിച്ചത് മക്കയിലാണ്.
ഷൈബിയുടെ കുടുംബത്തിന് കഅ്ബയുടെ കാവൽക്കാരുടെ ചുമതല നൽകപ്പെട്ടത് പ്രവാചകൻ മുഹമ്മദ് നബിയുടെ കീഴിൽ മക്ക കീഴടക്കിയതിന് ശേഷമാണ്. കുടുംബത്തിൻ്റെ ചുമതലയാണ് കഅ്ബയുടെ അകം പുറം, വൃത്തിയാക്കൽ, കഴുകൽ, ഇസ്തിരിയിടൽ, കിസ്‌വ പിളർന്നാൽ നന്നാക്കൽ, സന്ദർശകരെ സ്വീകരിക്കൽ, തുടങ്ങി അതുമായി ബന്ധപ്പെട്ട സകല കാര്യങ്ങളും. സാലിഹ് ബിൻ സൈനുൽ ആബിദീൻ അൽ ഷൈബി കഅ്ബയുടെ കാര്യസ്ഥനായത് അമ്മാവൻ അബ്ദുൾഖാദർ താഹ അൽ-ഷൈബി 2013-ൽ മരണപ്പെട്ടതിനെത്തുടർന്നാണ്.
