കുവൈത്ത് സിറ്റി: കേരള ആർട്ട് ലവേഴ്‌സ് അസോസിയേഷൻ – കല കുവൈറ്റ് യൂണിറ്റ് തല ഭാരവാഹികൾക്കായി പ്രവർത്തക യോഗവും പഠന ക്ലാസും സംഘടിപ്പിച്ചു. 25, 26 തീയതികളിലായി നാല് മേഖലകൾ കേന്ദ്രീകരിച്ച് നടന്ന പരിപാടിയിൽ 460ൽ പരം ആളുകളാണ് പങ്കെടുത്തത്. പരിപാടികളിൽ ഈ പ്രവർത്തന വർഷം കല ഏറ്റെടുത്തു നടത്താനുദ്ദേശിക്കുന്ന പ്രവർത്തനങ്ങളെയും പരിപാടികളെയും പറ്റി കല കുവൈറ്റ് പ്രസിഡന്റ് മാത്യു ജോസഫ് വിശദീകരണം നടത്തുകയും ജനറൽ സെക്രട്ടറി ടി വി ഹിക്മത്ത് സംഘടന ക്ലാസും നടത്തി. അബ്ബാസിയ കല സെന്ററിൽ നടന്ന അബ്ബാസിയ മേഖലാതല പരിപാടിയിൽ മേഖല പ്രസിഡന്റ് കൃഷ്ണ മേലേത്ത് അധ്യക്ഷത വഹിച്ചു. എക്സിക്യൂട്ടീവ് അംഗം സുനീർ അലി അനുശോചനകുറിപ്പ് അവതരിപ്പിച്ചു. കല കുവൈറ്റ് വൈസ് പ്രസിഡന്റ് പ്രവീൺ പി വി യോഗത്തെ അഭിസംബോധന ചെയ്തു സംസാരിച്ചു. മേഖല സെക്രട്ടറി സജീവൻ പി പി സ്വാഗതം പറഞ്ഞ ചടങ്ങിന് എക്സിക്യൂട്ടീവ് അംഗം മനോജ്‌ കുമാർ നന്ദി പ്രകാശിപ്പിച്ചു.
സാൽമിയ കല സെന്ററിൽ വച്ച് നടന്ന സാൽമിയ മേഖല പ്രവർത്തകയോഗത്തിൽ മേഖല പ്രസിഡന്റ് അബ്‌ദുൾ നിസാർ അധ്യക്ഷത വഹിച്ചു. എക്സിക്യൂട്ടീവ് അംഗം ലിജോ അടുക്കോലിൽ അനുശോചനകുറിപ്പ് അവതരിപ്പിച്ചു. സാൽമിയ മേഖല സെക്രട്ടറി അൻസാരി കടയ്ക്കൽ സ്വാഗതം പറഞ്ഞ യോഗത്തിന് എക്സിക്യൂട്ടീവ് അംഗം അനൂപ് രാജ് നന്ദി പറഞ്ഞു.ഫഹാഹീൽ മേഖലാ കമ്മിറ്റിയുടെ നേതൃത്വത്തിൽ മംഗഫ് കല സെന്ററിൽ നടന്ന പരിപാടിയിൽ മേഖലാ പ്രസിഡൻറ് അരവിന്ദ് കൃഷ്ണൻകുട്ടി അധ്യക്ഷത വഹിച്ചു. എക്സിക്യൂട്ടീവ് അംഗം ലിപി ബിജു അനുശോചന പ്രമേയം അവതരിപ്പിച്ചു. മേഖലാ സെക്രട്ടറി സജിൻ മുരളി സ്വാഗതം പറഞ്ഞ ചടങ്ങിൽ എക്സിക്യൂട്ടീവ് അംഗം ജയകുമാർ സഹദേവൻ നന്ദി രേഖപ്പെടുത്തി. അബുഹലിഫ മേഖല സംഘടിപ്പിച്ച പരിപാടിയിൽ മേഖല പ്രസിഡന്റ് ജോബിൻ ജോൺ അധ്യക്ഷത വഹിച്ചു. ജോയിന്റ് സെക്രട്ടറി പ്രസീദ് കരുണാകരൻ യോഗത്തെ അഭിസംബോധന ചെയ്ത് സംസാരിച്ചു. മേഖല എക്സിക്യൂട്ടീവ് അംഗം അരുണിമ പ്രകാശ് അനുശോചനം അവതരിപ്പിച്ചു. മേഖല സെക്രട്ടറി സന്തോഷ്‌ കെ ജി സ്വാഗതം ആശംസിച്ച യോഗത്തിന് മേഖല കമ്മിറ്റി എക്സിക്യു്ട്ടീവ് അംഗം ഷൈജു ജോസ് നന്ദി അറിയിച്ചു.
