കുവൈറ്റ് സിറ്റി: കേരള ആർട്ട് ലവേഴ്സ് അസോസിയേഷൻ, കല കുവൈറ്റിന്റെ നേതൃത്വത്തിൽ ഇന്ത്യൻ സ്കൂളുകളിലെ വിദ്യാർഥികൾക്കായി സംഘടിപ്പിക്കുന്ന ‘മഴവില്ല്-2019’ ചിത്രരചന മത്സരം നവംബർ 8 ന് മംഗഫ് അൽ-നജാത്ത് സ്‌കൂളിൽ വെച്ച് നടക്കും.
കിന്റ്റർ ഗാർഡൻ (കെ.ജി ക്ലാസ്സുകൾ), 1-4 (സബ് ജൂനിയർ), 5-8 (ജൂനിയർ), 9-12 (സീനിയർ) എന്നീ വിഭാഗങ്ങളിലായാണ് മത്സരങ്ങൾ ക്രമീകരിച്ചിരിക്കുന്നത്. മത്സരത്തിൽ പങ്കെടുക്കുന്ന കുട്ടികൾക്കുള്ള രജിസ്ട്രെഷൻ www.kalakuwait.com എന്ന വെബ്സൈറ്റ് വഴിയും വിവിധ സ്കൂളുകൾ മുഖേനയും നടക്കും. അബ്ബാസിയ, ഫഹാഹീൽ, അബുഹലീഫ, സാൽമിയ എന്നിവടങ്ങളിലെ കല സെന്ററുകളിൽ ‘മഴവില്ല്-2019’ ന്റെ രജിസ്ട്രേഷൻ സ്വീകരിക്കുന്നതാണ്. വിജയികൾക്ക് സ്വർണ്ണ മെഡലുകളും, പ്രോത്സാഹന സമ്മാനങ്ങളും ഒരുക്കിയിട്ടുണ്ട്.
പരിപാടിയുടെ വിശദാംശങ്ങൾക്ക് 94933192, 51698636, 97683397 എന്നീ നമ്പറുകളിൽ ബന്ധപ്പെടാവുന്നതാണ്.
