കുവൈത്ത് സിറ്റി : കുവൈത്തിന്റെ പ്രഥമ ഉപപ്രധാനമന്ത്രിയായി ശൈഖ് ഫഹദ് യൂസുഫ് സഊദ് അൽ സബാഹിനെ നിയമിച്ചു. ആഭ്യന്തര മന്ത്രാലയത്തിന്റെ ചുമതലയും ഇദ്ദേഹത്തിനാണ്. പുതിയ പ്രതിരോധ മന്ത്രിയായി ശൈഖ് അബ്ദുല്ല അലി അബ്ദുല്ല അൽ സലിം അൽ സബാഹിനെയും നിയമിച്ചു. കുവൈത്ത് മന്ത്രിസഭയിലെ ആഭ്യന്തര മന്ത്രിയായിരുന്ന ശൈഖ് ഫഹദ് യൂസുഫ് അൽ സബാഹിനെയാണ് പ്രഥമ ഉപപ്രധാനമന്ത്രിയായി നിയമിച്ചിരിക്കുന്നത്.
