കുവൈറ്റ് : കുവൈത്തിൽ ചാരായവുമായി രണ്ട് ഏഷ്യൻ പ്രവാസികൾ പിടിയിൽ. ഏകദേശം 200 കുപ്പികളോളം പ്രാദേശികമായി നിർമ്മിച്ച മദ്യവുമായി അഹ്‌മദി പോലീസ് പട്രോളിംഗ് സംഘമാണ് അറസ്റ്റ് ചെയ്തത്. അഹ്‌മദി ഗവർണറേറ്റിന്‍റെ ഒരു പ്രദേശത്തെ ചെക്ക്‌പോസ്റ്റിലൂടെ കടന്നുപോകാൻ ശ്രമിക്കുകയായിരുന്നു ഇവർ. പോലീസ് ഉദ്യോഗസ്ഥരെ കണ്ടപ്പോൾ പരിഭ്രാന്തരായി ഓടി രക്ഷപ്പെടാൻ ശ്രമിച്ച രണ്ട് പേർ ശ്രദ്ധയിൽപ്പെടുകയായിരുന്നു. ഉദ്യോഗസ്ഥർ വേഗത്തിൽ അവരെ പിടികൂടി സ്ഥിതിഗതികൾ നിയന്ത്രണത്തിലാക്കി. കൂടുതൽ പരിശോധനയിലാണ് വ്യക്തികൾ ഏഷ്യൻ വംശജരാണെന്ന് വ്യക്തമായത്.
