കുവൈത്ത് സിറ്റി: കുവൈത്തിൻ്റെ പ്രാദേശിക വിപണികളിൽ ഇറച്ചി വിലയിൽ കുറവുണ്ടായതായി അൽ-വാവൻ ലൈവ്സ്റ്റോക്ക് ട്രേഡിങ് കമ്പനി എക്സിക്യൂട്ടീവ് ഡയറക്ടർ മുനവർ അൽ-വാവൻ. അടുത്തിടെ ജോർദാനിൽ നിന്ന് ഏകദേശം 2,000ത്തോളം അറേബ്യൻ ആടുകളെ ഇറക്കുമതി ചെയ്തതായും നീണ്ട ഇടവേളയ്ക്ക് ശേഷം സിറിയയിൽ നിന്നുള്ള ആടുകളുടെ ഇറക്കുമതി പുനരുജ്ജീവിപ്പിച്ചതായും അൽ-സെയാസ പത്രത്തിന് നൽകിയ പ്രത്യേക പ്രസ്താവനയിൽ അദ്ദേഹം പറഞ്ഞു. ഇറച്ചി വിലയിൽ പ്രകടമായ ഇടിവും പ്രാദേശിക വിപണികളിൽ ധാരാളം ഇറച്ചി വിതരണവും ഉണ്ടായിരുന്നിട്ടും ആടുകളുടെ ആവശ്യം മന്ദഗതിയിലാണ്.
