കുവൈത്ത് സിറ്റി: കുവൈത്ത് നാവിക സേന പരിശീലനത്തിന്റെ ഭാഗമായി മോക്ക്ഡ്രിൽ സ്ഫോടനം നടത്തുമെന്ന് കുവൈത്ത് ആർമി മോറൽ ഗൈഡൻസ് ആന്റ് പബ്ലിക് റിലേഷൻസ് ഡയറക്ടറേറ്റ് അറിയിച്ചു. ഒക്ടോബർ 20 മുതൽ 24 വരെ രാവിലെ 7:00 മുതൽ വൈകിട്ട് 6:00 വരെയാണ് മോക്ക്ഡ്രിൽ നടക്കുക. സുരക്ഷ ഉറപ്പാക്കാൻ, എല്ലാ പൗരന്മാരും താമസക്കാരും ഷെഡ്യൂൾ ചെയ്ത പരിശീലന കാലയളവിൽ ഈ പ്രദേശങ്ങൾ സന്ദർശിക്കുന്നത് ഒഴിവാക്കണമെന്ന് കുവൈറ്റ് സൈന്യം അഭ്യർത്ഥിച്ചു. നാവിക പരിശീലനവുമായി ബന്ധപ്പെട്ട അപകടസാധ്യതകൾ തടയുന്നതിന് ഈ മുൻകരുതൽ നടപടി ആവശ്യമാണ്.
