കുവൈത്ത് സിറ്റി: ആഭ്യന്തര മന്ത്രാലയത്തിൻ്റെ ഇലക്ട്രോണിക് ആപ്ലിക്കേഷൻ വഴി എല്ലാത്തരം ഡ്രൈവിംഗ് പെർമിറ്റുകളും ഇപ്പോൾ ഡിജിറ്റൽ ഫോർമാറ്റിൽ ആക്സസ് ചെയ്യാമെന്ന് ജനറൽ ട്രാഫിക് ഡിപ്പാർട്ട്മെൻ്റ് അറിയിച്ചു . ഈ പുതിയ സംരംഭം പ്രാഥമികമായും കുവൈറ്റിൽ താമസിക്കുന്ന പ്രവാസികളെയാണ് ലക്ഷ്യമിടുന്നത്. ഇതോടെ ഡ്രൈവിംഗ് പെർമിറ്റുകൾ നേടുന്നതിനും നിയന്ത്രിക്കുന്നതിനുമുള്ള നടപടിക്രമങ്ങൾ കാര്യക്ഷമമാകും. ആഭ്യന്തര മന്ത്രാലയത്തിൻ്റെ ഡിജിറ്റൈസേഷൻ ശ്രമങ്ങളുടെ ഭാഗമായാണ് വിവിധ ഡ്രൈവിംഗ് പെർമിറ്റുകളുടെ പ്രിൻ്റിംഗ് ഔദ്യോഗികമായി അവസാനിപ്പിച്ചതായി ട്രാഫിക് ആൻഡ് ഓപ്പറേഷൻസ് അഫയേഴ്‌സ് സെക്ടർ വെളിപ്പെടുത്തിയത്.
