കെ ഇ എ അബ്ബാസിയ ഉത്സവ് 2023, 06-10-2023 വെള്ളിയാഴ്ച ഉച്ചക്ക് 01:00 മണി മുതൽ ഓണ സദ്യയോടുകൂടി ആരംഭിക്കുകയുണ്ടായി.
ഏരിയ പ്രസിഡണ്ട് സമദ് കൊട്ടോടിയുടെ അധ്യക്ഷതയിൽ ചേർന്ന സാംസ്‌കാരിക സമ്മേളനം കെ. ഇ. എ. കേന്ദ്ര പ്രസിഡണ്ട് രാമകൃഷ്‌ണൻ കള്ളാർ ഉത്ഘാടനം ചെയ്തു. മുഖ്യാഥിതി മെട്രോ മെഡിക്കൽ ഗ്രൂപ്പ് ചെയർമാൻ ഹംസ പയ്യന്നൂർ, കെ. ഇ. എ. ചീഫ് പാട്രൻ സത്താർ കുന്നിൽ, കേന്ദ്ര ജനറൽ സെക്രട്ടറി ഹമീദ് മധൂർ, ഏരിയ ജനറൽ സെക്രട്ടറി ശ്രീനിവാസൻ, കേന്ദ്ര വൈസ് പ്രസിഡണ്ട് മുഹമ്മദ് കുഞ്ഞി. സി. എച്ച്, കേന്ദ്ര ജോയിന്റ് സെക്രട്ടറി സുരേന്ദ്രൻ മുങ്ങത്ത്, ഉപദേശക സമിതി അംഗം സലാം കളനാട്, കെ ഇ എ ഏരിയകൾക്ക് വേണ്ടി റിഗ്ഗയി ഏരിയ പ്രസിഡണ്ട് അബ്ദുല്ല കടവത്ത്, കോ-സ്പോൺസർ ബിജു ഗോവിന്ദൻ, എന്നിവർ സംസാരിച്ചു. പ്രോഗ്രാം കൺവീനർ ഹനീഫ പാലായി സ്വാഗതവും, പുഷ്പരാജൻ ഒ.വി നന്ദിയും പറഞ്ഞു.
സമ്മേളനത്തോടനുബന്ധിച്ച് അരങ്ങേറിയ മാവേലി എഴുന്നെള്ളത്ത് വളരെ ഹൃദയസ്പർശിയായി.
തുടർന്ന് വേദിയിൽ വിവിധയിനം കലാപരിപാടികൾ അരങ്ങേറി. ഒപ്പന, കോൽക്കളി, തിരുവാതിര, കെ. ഇ. എ. അബ്ബാസിയ കുടുംബത്തിലെ കുട്ടികൾ അവതരിപ്പിച്ച നൃത്ത നൃത്യങ്ങൾ, കെ. ഇ. എ. അംഗം അനുരാജിന്റെ നേതൃത്വത്തിൽ അരങ്ങേറിയ ഗാനമേള എന്നിവ മികവുറ്റതായി.
റാഫിൾ കൂപ്പൺ നറുക്കെടുപ്പ് സമ്മാനങ്ങൾക്ക് നാസർ ചുള്ളിക്കര, ധനഞ്ജയൻ, കബീർ മഞ്ഞപ്പാറ, എന്നിവർ, അർഹരായി.
