തിരുവനന്തപുരം: കോവളം ചൊവ്വരയിൽ കൈപ്പത്തിയ്ക്ക് വോട്ട് ചെയ്യുമ്പോള് വോട്ടിങ് യന്ത്രത്തിൽ താമരയ്ക്ക് വോട്ട് പതിയുന്നെന്ന ആരോപണത്തിൽ പ്രതികരണവുമായി യുഡിഎഫ് സ്ഥാനാര്ത്ഥി ശശി തരൂര്. യന്ത്രങ്ങള്ക്ക് തകരാര് വരുന്നത് സ്വാഭാവികമാണെന്നും എന്നാൽ എന്തു തകരാര് വന്നാലും താമര മാത്രം തെളിയുന്നതെങ്ങനെയാണെന്നും ശശി തരൂര് ചോദിച്ചു. സംഭവത്തിൽ വിശദമായ അന്വേഷണം ആവശ്യമാണെന്നും ശശി തരൂര് പറഞ്ഞു.
