തിരുവനന്തപുരം: നെയ്യാറ്റിൻകര ആറാലുമൂട്ടിൽ വിവാദത്തിനും സംഘർഷത്തിനും ഇടയാക്കിയ ക്ഷേത്രപൂജാരിയുടെ ദുരൂഹമായ മരണത്തെ തുടർന്ന് മൃതദേഹം പോലീസ് പുറത്തെടുത്തു. മൃതദേഹം സമാധിക്കുള്ളിൽ ഭാഗികമായി അഴുകിയ അവസ്ഥയിലായിരുന്നു. കൂടാതെ മൃതദേഹത്തോടൊപ്പം ആചാരപരമായ വസ്തുക്കളും അടുക്കിയിട്ടുണ്ടായിരുന്നു. ശ്മശാനത്തിന് സമീപം ഇൻക്വസ്റ്റ് നടപടികൾ നടത്തി മൃതദേഹം പോസ്റ്റ്‌മോർട്ടത്തിനായി തിരുവനന്തപുരം മെഡിക്കൽ കോളേജ് ആശുപത്രിയിലേക്ക് മാറ്റി.
പൂജാരി ഗോപൻ സ്വാമിയുടെ കുടുംബം ജനുവരി 10 നാണ് സ്വാമി ‘സമാധി’ പ്രാപിച്ചതായി പോസ്റ്ററുകൾ ഒട്ടിച്ചത്. ഇത് ആൾക്കാർക്കിടയിൽ ദുരൂഹത സൃഷ്ടിക്കുകയായിരുന്നു. ഗോപൻ സ്വാമിയുടെ ആഗ്രഹപ്രകാരമാണ് മൃതദേഹം കോൺക്രീറ്റ് അറയിൽ സംസ്കരിച്ചതെന്ന് കുടുംബം അറിയിക്കുകയായിരുന്നു.
