കുവൈറ്റ് സിറ്റി : കുവൈത്തിലെ സെവൻത് റിംഗ് റോഡിൽ ഗ്യാസ് ടാങ്കറും ബുൾഡോസറും കൂട്ടിയിടിച്ചുണ്ടായ അപകടത്തിൽ പ്രവാസിക്ക് ദാരുണാന്ത്യം. അപകടത്തിൽപ്പെട്ട ടാങ്കറിൽ ഉയർന്ന അളവിൽ തീപിടിക്കുന്ന വസ്തുക്കളാണ് ഉണ്ടായിരുന്നത്.ഞായറാഴ്ച പുലർച്ചെ ജഹ്‌റയിലേക്ക് പോകുന്ന ഗ്യാസ് സ്റ്റേഷന് സമീപം അപകടം നടന്നതായി ആഭ്യന്തര മന്ത്രാലയത്തിലെ ഓപ്പറേഷൻസ് വിഭാഗത്തിന് റിപ്പോർട്ട് ലഭിക്കുകയായിരുന്നു. സ്ഥലത്തെത്തിയപ്പോൾ മണൽ കയറ്റിയ ബുൾഡോസറും ഉയർന്ന അളവിൽ തീപിടിക്കുന്ന വസ്തുക്കളുമായി പോവുകയായിരുന്ന ഗ്യാസ് ടാങ്കറും കൂട്ടിയിടിച്ചതായി കണ്ടെത്തി. മൃതദേഹം പുറത്തെടുത്ത് ഫോറൻസിക് മെഡിസിൻ വകുപ്പിലേക്ക് മാറ്റി.
