കുവൈത്ത് സിറ്റി: കുവൈറ്റിലെ സ്പ്രങ് ക്യാമ്പിംഗ് സീസണിൽ പരിസ്ഥിതി സംരക്ഷണത്തെക്കുറിച്ച് അവബോധം വളർത്തുന്നതിനായി പരിസ്ഥിതി പബ്ലിക് അതോറിറ്റി (ഇപിഎ) “അൽ-ബിർ ഒരു ട്രസ്റ്റ്” കാമ്പയിൻ ആരംഭിച്ചു. മാർച്ച് പകുതി വരെ ഈ കാമ്പയ്ൻ തുടരും. കുവൈറ്റിലെ മരുഭൂമി ആവാസവ്യവസ്ഥയെ സംരക്ഷിക്കുന്നതിൻ്റെ പ്രാധാന്യത്തെക്കുറിച്ച് പൊതുജനങ്ങളെ ബോധവൽക്കരിക്കുക എന്നതാണ് ഈ സംരംഭത്തിന്‍റെ ലക്ഷ്യമെന്ന് ഇപിഎയുടെ ആക്ടിംഗ് ഡയറക്ടർ ജനറൽ സമീറ അൽ-കന്ദരി പറഞ്ഞു. പരിസ്ഥിതി സംരക്ഷണ നിയമത്തിലെ വ്യവസ്ഥകൾ, പ്രത്യേകിച്ച് ഭൂസംരക്ഷണത്തെയും വന്യജീവി സംരക്ഷണത്തെയും അഭിസംബോധന ചെയ്യുന്ന ആർട്ടിക്കിൾ 40 മുതൽ 47 വരെയുള്ള വ്യവസ്ഥകൾ പാലിക്കുന്നതിന് കാമ്പയിൻ ഊന്നൽ നൽകുന്നു. ഈ ചട്ടങ്ങൾ ലംഘിക്കുന്നവർക്ക് 250 ദിനാർ മുതൽ 5,000 ദിനാർ വരെ പിഴ ചുമത്തും. മണ്ണ് മലിനീകരണം, വേട്ടയാടൽ, വന്യജീവികളുടെ ആവാസവ്യവസ്ഥയെ നശിപ്പിക്കൽ തുടങ്ങിയ പ്രവർത്തനങ്ങൾ നിരോധിച്ചിട്ടുമുണ്ട്.
