കുവൈത്ത് സിറ്റി: ചെറുകിട, ഇടത്തരം വ്യവസായ (എസ്എംഇ) മേഖലയിലെ തൊഴിലാളികളുടെ കൈമാറ്റം സംബന്ധിച്ച നിയന്ത്രണങ്ങളിൽ കാര്യമായ മാറ്റം വരുത്തുമെന്ന് പബ്ലിക് അതോറിറ്റി ഫോർ മാൻപവർ. ഈ മേഖലയ്ക്കുള്ളിലെ തൊഴിലാളികളെ മാറ്റുന്നതിന് ആവശ്യമായ കാലാവധി മൂന്ന് വർഷത്തിൽ നിന്ന് ഒരു വർഷമായി കുറച്ചു. എന്നിരുന്നാലും, ഈ മാറ്റം തൊഴിലാളിയുടെ സ്പോൺസറുടെ അംഗീകാരത്തിന് മേൽ വ്യവസ്ഥാപിതമാണ്. എസ്എംഇ മേഖലയിൽ നിന്ന് സ്വകാര്യ മേഖലയിലേക്കുള്ള കൈമാറ്റം ഇപ്പോഴും അനുവദനീയമല്ല. നിയന്ത്രണങ്ങൾ കൃത്യമായി പാലിക്കാതെ സെക്ടറുകൾക്കിടയിൽ തൊഴിലാളികൾ മാറുന്നത് തടയാനാണ് ഈ തീരുമാനം. സന്തുലിതാവസ്ഥ നിലനിർത്തേണ്ടതിന്‍റെ പ്രാധാന്യത്തിനും എസ്എംഇ മേഖലയിൽ തന്നെയുള്ള കൈമാറ്റങ്ങൾ പുതുക്കിയ ഒരു വർഷത്തെ സമയപരിധിക്കുള്ളിൽ നടക്കുന്നുണ്ടെന്ന് ഉറപ്പാക്കേണ്ടതിനും പബ്ലിക് അതോറിറ്റി ഫോർ മാൻപവർ ഊന്നൽ നൽകി.
