കുവൈത്ത് സിറ്റി: ഏകീകൃത സർക്കാർ ആപ്ലിക്കേഷനായ സഹേൽ ആപ്പിലൂടെ ഡ്രൈവിംഗ് ടെസ്റ്റ് ബുക്കിംഗുകൾ ചെയ്യാൻ ഇനി കഴിയും. എല്ലാ ഡ്രൈവിംഗ് ടെസ്റ്റ് ബുക്കിംഗുകളും മെറ്റാ പ്ലാറ്റ്‌ഫോമിലെ അപ്പോയന്‍റ്മെന്‍റ് വിഭാഗം വഴി ആക്‌സസ് ചെയ്യാവുന്ന സഹേലിലൂടെ മാത്രമായി നിയന്ത്രിക്കപ്പെടും. ആഭ്യന്തര മന്ത്രാലയം അതിൻ്റെ വെബ്സൈറ്റിൽ ഡ്രൈവിംഗ് ടെസ്റ്റുകൾക്കുള്ള ഓൺലൈൻ അപ്പോയന്‍റ്മെന്‍റ് ബുക്കിംഗ് സേവനം താൽക്കാലികമായി നിർത്തിവച്ചു. ട്രാഫിക് സംവിധാനം മെച്ചപ്പെടുത്തുന്നതിനും ഡിജിറ്റൈസ് ചെയ്യുന്നതിനുമുള്ള ശ്രമങ്ങളുടെ ഭാഗമായാണ് ഈ പരിവർത്തനമെന്ന് ഔദ്യോഗിക പ്രസ്താവനയിൽ മന്ത്രാലയം ഊന്നിപ്പറഞ്ഞു. ട്രാഫിക് സേവനങ്ങൾ കാര്യക്ഷമമാക്കുന്നതിനും പൗരന്മാർക്കും താമസക്കാർക്കും അവരുടെ ഇടപാടുകൾ കൈകാര്യം ചെയ്യുന്നതിനുള്ള സമയവും പരിശ്രമവും കുറയ്ക്കാനും ഈ നീക്കം ലക്ഷ്യമിടുന്നു.
