കുവൈത്ത് സിറ്റി: റോളിംഗ്‌ ട്രോഫിക്ക്‌ വേണ്ടിയുള്ള പതിനെട്ടാമത് ദേശീയ വടംവലി മത്സരം ഡിസംബർ 6 ന് അബ്ബാസിയ ഇന്ത്യൻ സെണ്ട്രൽ സ്കൂളിലെ ഓപൺ ഫ്ലഡ്‌ ലൈറ്റ്‌ സ്റ്റേഡിയത്തിൽ ഉച്ചക്ക്‌ 12:00മുതൽ വൈകീട്ട്‌ 8:00മണി വരെ സംഘടിപ്പിക്കുന്നു. അന്നേ ദിവസം കുവൈത്തിലെ 30ഓളം ഇന്ത്യൻ സ്കൂളുകളിൽ നിന്ന് പഠന-പഠനേതര വിഷയങ്ങളിൽ മികച്ച പ്രകടനം കാഴ്ച വെക്കുന്ന വിദ്യാർത്ഥികൾക്കുള്ള ഡോ: അബ്ദുൽ കലാം പേൾ ഓഫ്‌ ദി സ്കുൾ അവാർഡ്‌ ദാനവും നടക്കുന്നതാന്നെന്ന് സംഘാടകർ അറിയിച്ചു. മാസങ്ങളോളം പരീശീലനത്തിൽ ഉള്ള 20ൽ പരം ടീമുകൾ മാറ്റുരയ്ക്കുന്ന മത്സരത്തിൽ ഇത്തവണ ആദ്യമായ്‌ ലോകത്തിന്റെ വിവിധ ഭാഗങ്ങളിൽ നിന്നുള്ള വടംവലി കായികതാരങ്ങൾ പങ്കെടുക്കുന്നു എന്നതും സവിശേഷതയാണ്.
