കുവൈറ്റ് സിറ്റി : ഫ്യൂച്ചർ ഐ തീയേറ്ററും ഫ്യൂച്ചർ ഐ ഫിലിം ക്ലബും ചേർന്ന് “ദി തെസ്പിയൻ ആൽക്കമി” എന്ന പേരിൽ അഭിനയ കളരി സംഘടിപ്പിച്ചു. പ്രശസ്ത നർത്തകിയും സിനിമാ താരവും ആയ ഡോ. മേതിൽ ദേവിക ആണ് വർക്ക് ഷോപ്പ് നയിച്ചത്. അഭിനയത്തിൽ ശാരീരിക ചലനങ്ങളുടെ സൂക്ഷമ ഭാവം, ആംഗികവും വാചികവുമായ പ്രകടന രീതികൾ, മുദ്രകളുടെ ഉപയോഗം , കണ്ണുകളുടെ സംവേദനം തുടങ്ങിയ മേഖലകളിൽ തനിക്കുള്ള അറിവ് അവർ ക്യാമ്പ് അംഗങ്ങൾക്കായി പങ്കു വെച്ചു. കുവൈറ്റിലെ കേളി വാദ്യ കലാ പീഠത്തിൽ നിന്നുള്ള ശ്രീരാഗ് മാരാരും , ശ്രീനാഥ് മാരാരും താള വാദ്യത്തിന്റെ അകമ്പടിയുമായി മേതിൽ ദേവികയുടെ കൂടെ ഈ വർക്ഷോപ്പിൽ പങ്കെടുത്തു. പാശ്ചാത്യ നാടക സങ്കേതത്തിൽ നിന്നും വ്യത്യസ്തമായി , തികച്ചും ഇന്ത്യൻ ക്ലാസിക്കൽ തീയേറ്ററിന്റെ പ്രായോഗിക വശങ്ങൾ ആണ് ഇത്തവണ ആക്ടിങ് വർക്ഷോപ്പിൽ ഉൾപ്പെടുട ത്തിയത് എന്ന് ഫ്യൂച്ചർ ഐ ഭാരവാഹികൾ അറിയിച്ചു. അഭിനയത്തിലും നൃത്തത്തിലും താല്പര്യമുള്ള നിരവധി കലാ പ്രേമികൾ പരിപാടിയിൽ പങ്കെടുത്തു. മലയാളികൾക്ക് പുറമെ, നോർത്ത് ഇന്ത്യൻ ആളുകളും, കുവൈറ്റി കലാ പ്രേമികളും അഭിനയ കളരിയിൽ പങ്കെടുത്തു. നൃത്തവും , നാടകവും, സംഗീതവും ചേർന്ന്, ചെണ്ട, ഇടക്ക, മദ്ദളം, ചേങ്ങില , ഇലത്താളം, തുടങ്ങിയ താള വാദ്യങ്ങളുടെ അകമ്പടിയോടെ അവതരിപ്പിച്ചപ്പോൾ അതൊരു നവ്യാനുഭവം ആയാണ് ക്യാമ്പ് അംഗങ്ങൾക്ക് അനുഭവപ്പെട്ടത് എന്ന് തെസ്പിയൻ ആൽക്കെമി ക്യാമ്പ് ഡയറക്ടർ ഷമേജ് കുമാർ അറിയിച്ചു.
സാൽമിയ ഡോൾഫിൻ കോണ്ടിനെന്റൽ ഹോട്ടലിൽ ഒക്ടോബർ 25 ,26 തിയ്യതികളിൽ രാവിലെ 9 മുതൽ 5 മണി വരെ ആയിരിരുന്നു വർക്ഷോപ്പ് നടക്കുന്നത്. ഒക്ടോബർ 24ന് ഫഹഹീൽ കാലിക്കറ്റ് ലൈവ് റെസ്‌റ്റോറൻൽ വെച്ചു നടന്ന പത്ര സമ്മേളനത്തിൽ, ഡോ. മേതിൽ ദേവിക പങ്കെടുത്തു. നാടക രംഗത്തെയും നൃത്തരംഗത്തെയും സമന്യൂയീപിച്ചു കൊണ്ട് പുതിയ കലാ രൂപങ്ങൾ സാക്ഷാത്കരിക്കേണ്ടത് ഉണ്ട് എന്ന് അവർ പത്ര സമ്മേളനത്തിൽ അറിയിച്ചു. ഫ്യൂച്ചർ ഐ തിയറ്റർ പ്രസിഡൻ്റ് സന്തോഷ് കുമാർ കുട്ടത്ത് അധ്യക്ഷത വഹിച്ചു. സെക്രട്ടറി ഉണ്ണി കൈമൾ സ്വാഗതവും, ഡേ ഡോ. പ്രമോദ് മേനോൻ നന്ദിയും അറിയിച്ചു. രതീഷ് ഗോപി ഫ്യൂച്ചർ ഐ ഫിലിം ക്ലബിൻ്റെ പ്രവർത്തനങ്ങൾ വിശദീകരിച്ചു. ജോയിൻ്റ് സെക്രട്ടറി രമ്യ രതീഷ് പത്ര സമ്മേളനത്തിൽ പങ്കെടുത്തു.
