കുവൈത്ത് സിറ്റി :കോവിഡ് വ്യാപനം രൂക്ഷമായ 34 രാജ്യങ്ങളിൽ നിന്നുള്ള ആർട്ടിക്കിൾ 20 തൊഴിലാളികളെ കുവൈത്തിലേക്ക് എത്തിക്കുന്നതിനായി നാഷണൽ ഏവിയേഷൻ സർവീസസ് (എൻ‌എ‌എസ്) ബെൽസലാമ ഡോട്ട് കോം എന്ന പുതിയ വെബ്‌സൈറ്റ് വികസിപ്പിക്കുന്നു.
കുവൈത്തിലെ ഡയറക്ടറേറ്റ് ജനറൽ ഫോർ സിവിൽ ഏവിയേഷൻ (ഡിജിസിഎ) നിർദേശാനുസരണമാണിത്. തിരികെ എത്തിക്കുന്നതിന് തൊഴിലാളിക്ക് ഒരാൾക്ക് 270 കുവൈത്ത് ദിനാർ മാത്രമാണ് ചിലവാകുക.
ആരോഗ്യ മന്ത്രാലയത്തിന്റെ ചട്ടങ്ങൾ, ഭക്ഷണം, മൂന്ന് പിസിആർ ടെസ്റ്റുകൾ എന്നിവയും 14 ദിവസത്തേ ക്വാറൻ്റൈൻ താമസവും അടക്കമാണ് 270 ദിനാർ. എന്നാൽ വിമാന നിരക്ക് അവരവരുടെ സ്ഥലത്തിനനുസരിച്ച് വ്യത്യാസപ്പെടും. കുവൈത്ത് എയർവേയ്‌സ്, ജസീറ എയർവേയ്‌സ് എന്നിവയുമായി സഹകരിച്ചാണ് ഫ്ലൈറ്റുകൾ ചാർട്ടർ ചെയ്യുന്നത്. കോവിഡ് രൂക്ഷമായ ഈ രാജ്യങ്ങളിൽനിന്ന് നേരത്തെ ഒരു തൊഴിലാളിയെ ട്രാൻസിറ്റ് രാജ്യങ്ങൾ വഴി തിരിച്ചുകൊണ്ടുവരാൻ 1,000 ദിനാറിൽ കുറയാതെ ചിലവാകുമായിരുന്നു.
ബെൽസലാമ ഡോട്ട് കോം വഴിസ്പോൺ‌സർ‌മാർക്കും ട്രാവൽ ഏജന്റുമാർക്കും തൊഴിലാളികൾ‌ക്കായി ഫ്ലൈറ്റുകൾ ബുക്ക് ചെയ്യുന്നതിനും പിസിആർ ടെസ്റ്റ് അപ്പോയിന്റ്‌മെന്റുകൾ സംഘടിപ്പിക്കുന്നതിനും സാധിക്കും. മൊബൈൽ ഫോണ് അല്ലെങ്കിൽ കമ്പ്യൂട്ടർ വഴി പിസിആർ പരിശോധനാ ഫലങ്ങൾ പരിശോധിക്കാനും കഴിയും.
നെഗറ്റീവ് പിസിആർ പരിശോധനാ ഫലം കയ്യിലുള്ള വർക്ക് നിശ്ചിത തീയതിയിൽ വിമാനത്തിൽ കയറാൻ കഴിയും. കുവൈത്തിലെത്തുമ്പോൾ മറ്റൊരു പിസിആർ പരിശോധനയ്ക്ക് വിധേയമാക്കുo ഫലംനെഗറ്റീവ് ആണെങ്കിൽ ഇവരെ പ്രത്യേക ക്വാറൻ്റൈൻ കേന്ദ്രത്തിലേക്ക് കൊണ്ടുപോകും, 14 ദിവസത്തെ ക്വാറനൻ്റെന് ശേഷം വീണ്ടും പിസിആർ പരിശോധനയ്ക്ക് വിധേയമാക്കും. ഈ പിസിആർ പരിശോധന വീണ്ടും നെഗറ്റീവ് ആണെങ്കിൽ, സ്പോൺ‌സർ‌ക്ക് അവരുടെ തൊഴിലാളിയെ താമസസ്ഥലത്ത് നിന്ന് കൊണ്ടു പോകാം.സ്പോൺസർമാരെ അവരുടെ തൊഴിലാളികളെ വേഗത്തിലും സുഗമമായും സുരക്ഷിതമായും കുവൈത്തിലേക്ക് തിരികെ കൊണ്ടുവരാൻ സഹായിക്കുകയാണ് ബെൽസലാമ.കോം ലക്ഷ്യമിടുന്നത്.
