കുവൈത്ത് സിറ്റി: കുവൈത്തിൽ പൗരത്വ രഹിതരായി താമസിക്കുന്ന ബിദുനികൾക്ക് നൽകിയ പതിനേഴാം നമ്പർ വിഭാഗത്തിൽ പെട്ട പാസ്പോർട്ടുകൾ പിൻവലിക്കാൻ തീരുമാനം. ആഭ്യന്തര മന്ത്രാലയ വൃത്തങ്ങളെ ഉദ്ധരിച്ച് പ്രാദേശികമാധ്യമമാണ് ഇക്കാര്യം റിപ്പോർട്ട് ചെയ്തത്. ഇവർ കുവൈത്തിൽ നിന്ന് പുറപ്പെടുമ്പോഴോ, അല്ലെങ്കിൽ കുവൈത്തിലേക്ക് പ്രവേശിക്കുമ്പോഴോ അതിർത്തി കവാടങ്ങളിൽ നിന്ന് പാസ്പോർട്ട് തിരികെ വാങ്ങി റദ്ദാക്കാനാണ് ഉദ്യോഗസ്ഥർക്ക് നിർദ്ദേശം. പാസ്പോർട്ടിന് പകരം റെസീപ്റ്റാകും ഇവർക്ക് നൽകുകയെന്നും റിപ്പോർട്ടിൽ പറയുന്നുണ്ട്.
