മലപ്പുറം: സമസ്ഥ അധ്യക്ഷൻ ജിഫ്രി മുത്തുക്കോയ തങ്ങൾക്കെതിരെ വിമർശനം ഉന്നയിച്ച മുസ്ലിം ലീഗ് സംസ്ഥാന ജനറൽ സെക്രട്ടറി പി.എം.എ. സലാമിനെ തള്ളിപ്പറഞ്ഞ് പി.കെ. കുഞ്ഞാലിക്കുട്ടി. പി.എം.എ സലാമിന്റേത് മുസ്ലിം ലീഗ് പാർട്ടിയുടെ നിലപാടല്ലെന്നും അദ്ദേഹം വ്യക്തമാക്കി. പി.എം.എ. സലാം തന്റെ വിവാദ പരാമർശത്തിൽ പിന്നീട് വിശദീകരണവുമായി എത്തിയിരുന്നു. എന്നാൽ ഇതുപോലുള്ള നിലപാട് ആരിൽനിന്നുണ്ടായാലും ശക്തമായി അവരെ എതിർക്കുമെന്നും കുഞ്ഞാലിക്കുട്ടി അറിയിച്ചു.
