കുവൈത്ത് സിറ്റി: പൊന്നാനി കൾച്ചറൽ വേൾഡ് ഫൗണ്ടേഷൻ (പി സി ഡബ്ള്യു എഫ്) കുവൈത്ത് ഘടകം അതിന്റെ പത്താം വാർഷികത്തോടനുബന്ധിച്ച് സംഘടിപ്പിച്ച പൊന്നാനിയുടെ പൊന്നോത്സവ് 2024 അബ്ബാസിയ അസ്പിയർ ഇന്ത്യൻ ഇന്റർനാഷണൽ സ്‌കൂൾ പ്രധാന ഓഡിറ്റോറിയത്തിൽ തണുത്തുറഞ്ഞ കാലാവസ്ഥയിലും ആയിരങ്ങളുടെ സാന്നിധ്യത്തിൽ തിരിതെളിഞ്ഞു. കണ്ണൂർ ഷെരീഫ്, ഫാസിലബാനു, വിമോജ് മോഹൻ, മുഹമ്മദ് സാലി, റാഷിദ് , നബീൽ, ഹക്കീം, മുബഷിർ എന്നിവർ നയിച്ച ഗാനമേള അക്ഷരാർത്ഥത്തിൽ സദസ്സിനെ കുളിരണിയിച്ചു. അഫ്‍ശീൻ അശ്‌റഫ്, നാജിയ നവാസ് , ശെസ ഫർഹീൻ, ഇശാൽ ശംസാദ്, കാർത്തിക് നാരായൺ, മല്ലികലക്ഷ്മി എന്നിവർക്ക് പുറമെ കുവൈത്തിലെ അറിയപ്പെട്ട ഡാൻസ് ട്രൂപ്പുകളായ ജാക്സൺ സ്പാർക്ൾ, ദി ഡൈനാമിക്സ് തുടങ്ങിയവർ അവതരിപ്പിച്ച നൃത്തകലകൾ സദസ്സിലുള്ളവരെ ആനന്ദ നൃത്തത്തിലാറാടിച്ചു. നേരത്തെ നടന്ന പൊതു സമ്മേളനം പ്രോഗ്രാം കൺവീനർ മുസ്തഫ മുന്ന സ്വാഗതം പറഞ്ഞു, സംഘടനാ പ്രസിഡണ്ട് അശ്‌റഫ് യു അധ്യക്ഷത വഹിച്ചു. ചെയർമാൻ പ്രശാന്ത് കവളങ്ങാട് ഉത്ഘാടനം നിർവഹിച്ചു. പൂർണ്ണമായും പി സി ഡബ്ള്യു എഫ് അംഗങ്ങളുടെ ഉടമസ്ഥതയിൽ പൊന്നാനിയിൽ നിർമ്മിക്കുന്ന സ്വാശ്രയ മാളിന്റെ ബോർഡ് ചെയർമാനും സംഘടനാ ജി സി സി കോർഡിനേറ്ററുമായ ഡോക്ടർ അബ്ദുൾറഹ്മാൻ കുട്ടി; “മലപ്പുറം ജില്ലയിലെ ഒരു ചെറിയ മുനിസിപ്പാലിറ്റി മാത്രമായ പൊന്നാനി കേരളക്കരക്ക് കലാ, സാഹിത്യ സാംസ്‌കാരിക, കായിക വിദ്യാഭാസ, ടുറിസ്റ്റ്, സിനിമ തുടങ്ങിയ മേഖലകൾക്ക് നൽകിയ സംഭാവനകൾക്ക് പുറമെ പി സി ഡബ്ള്യു എഫിന്റെ വരവോടു കൂടി പൊന്നാനിയിൽ ജനസേവന സാമൂഹിക വിഷയങ്ങളിൽ സംഘടന നൽകിയ സംഭാവനകളും സദസ്സിനെ ഓർമ്മിപ്പിച്ചുകൊണ്ട് മുഖ്യ പ്രഭാഷണം നിർവഹിച്ചു. മലപ്പുറം ജില്ലാ അസോസിയേഷൻ പ്രസിഡണ്ട് അഡ്വ. മുഹമ്മദ് ബഷീർ ആശംസ നേരുകയും ആക്ടിങ് ജനറൽ സെക്രട്ടറി ജെറീഷ് പി പി നന്ദി പറയുകയും ചെയ്തു. യുസഫ് കെ വി, അനൂപ് എന്നിവർ ഒരുക്കിയ സോവനീർ; സുമേഷ് എം. വി. മലബാർ ഗോൾഡ് കൺട്രി മാനേജർ അഫ്‌സൽഖാന് നൽകി പ്രകാശനം നിർവഹിച്ചു. മുജീബ് എം. വി., ആർ. വി. സി. ബഷീർ ആബിദ് കെ. കെ. എന്നിവർ മൊമെന്റോ വിതരണം നടത്തി. ഡോക്ടർ അബ്ദുൾറഹ്മാൻ കുട്ടി പുതുതായി തെരെഞ്ഞെടുത്ത അടുത്ത മൂന്ന് വർഷത്തേക്കുള്ള ഭാരവാഹികളെ പ്രഖ്യാപിച്ചു. നവാസ് ആർ വി യുടെ രചനയിൽ ജമാൽ പനമ്പാട് സംവിധാനം ചെയ്ത പൊന്നാനിയെ കുറിച്ചുള്ള ഡോക്യൂമെൻററി പ്രദർശനം പ്രേക്ഷകരുടെ പ്രശംസ പിടിച്ചുപറ്റി. അൻവർ, മുഹമ്മദ് ഷാജി, സിദ്ധീഖ് ആർ വി, ഹാഷിം സച്ചു, നാസർ കെ, ശരീഫ് കെ. കെ., നൗഷാദ്, റഹീം പി വി, അശ്‌റഫ് കെ, സമീർ മുഹമ്മദ്, മുഹമ്മദ് മുബാറക്, അജിലേഷ്, ജാഫർ, റഫീഖ് എന്നിവർ പരിപാടികൾ നിയന്ത്രിച്ചു.
