കുവൈത്ത് സിറ്റി : പ്രയാണം കുവൈറ്റ് ഇന്ത്യൻ അസോസിയേഷൻ 2025, പുതുവർഷം ആഘോഷം, 6,7 തീയതികളിലായി കബ്ദിൽ വെച്ച് സംഘടിപ്പിച്ചു. പ്രോഗ്രാം കൺവീനർ ആൾഡ്രിൻ ലൂയിസ് ഷാജി, തോമസ് വർഗീസ്, ബിന്ദു ശശിധരൻ, എന്നിവരുടെ നേതൃത്വത്തിൽ വിവിധ തരത്തിലുള്ള കലാ- കായിക, പരിപാടികൾ അരങ്ങേറി. പ്രകാശ് മണിമല കഥ, തിരക്കഥ, സംവിധാനം നടത്തി തയ്യാറാക്കിയ പ്രവാസി എന്ന നാടകം അവതരിപ്പിച്ചു. നാടകത്തിലെ കഥാപാത്രങ്ങളായി, മഞ്ജു മോഹനൻ, തോമസ് വർഗീസ്, ശ്രീകുമാർ മാധവൻ, പ്രകാശ് മണിമല എന്നിവരാണ് അഭിനയിച്ചത്. ശ്രീകുമാർ മാധവൻ, വിമൽകുമാർ, കായിക പരിപാടികൾക്ക് നേതൃത്വം നൽകിയത്, ജയകുമാർ സഹദേവൻ, അമ്പിളി നാരായണൻ എന്നിവർ കലാപരിപാടികൾക്ക് നേതൃത്വം നൽകി. ഭക്ഷണ കാര്യങ്ങൾക്ക് ജോമി ജോസ്, ജോൺ കുട്ടി, നാരായണൻ, ഷാനവാസ്, ബിന്ദു ശശിധരൻ, തോമസ് വർഗീസ്, സ്റ്റാൻലി, പ്രവീൺ എന്നിവർ നേതൃത്വം നൽകി. സമാപന സമ്മേളനം പ്രസിഡൻറ് ജിജോ പി ജോസിന്റെ അധ്യക്ഷതയിൽ കൂടുകയും രക്ഷാധികാരി സിനു ജോൺ ദീപം തെളിയിച്ച് ഉദ്ഘാടനം ചെയ്യുകയും ചെയ്തു. സമാപന സമ്മേളനത്തിൽ സി എച്ച് സന്തോഷ് പ്രവാസികൾ നോർക്ക പെൻഷൻ പദ്ധതികൾ ചേരേണ്ട ആവശ്യകതയെക്കുറിച്ച് സംസാരിച്ചു. സ്വയംതൊഴിൽ പദ്ധതി പരിശീലനത്തെ കുറിച്ച് അമ്പിളി നാരായണൻ വിശദീകരിച്ചു. സംഘടന നടത്തുന്ന മെമ്പർമാർക്ക് ഗുണപദങ്ങളായ കാര്യങ്ങളെക്കുറിച്ച് സെക്രട്ടറി ഗിരിജ വിജയൻ സംസാരിച്ചു. ട്രഷറർ രമേശ് നായർ സമ്മേളനത്തിന് നന്ദി പറഞ്ഞു.
