കുവൈറ്റ്: ആഗോള വിപണിയിലെ വിലയുമായി പെട്രോൾ വില ക്രമീകരിക്കാൻ കുവൈറ്റ് സർക്കാർ പദ്ധതിയിടുന്നു. പെട്രോളിന്റെ വില വർദ്ധിപ്പിക്കാൻ ആണ് നീക്കം. പ്രധാനമായും പ്രവാസികളെയും സന്ദർശകരെയുമാണ് ലക്ഷ്യമിടുന്നത്. അതേസമയം പൗരന്മാരെ ഇത് ബാധിക്കില്ലെന്ന് ഉറപ്പാക്കുന്നു. ഇത് പ്രവാസികളും പൗരന്മാരും തമ്മിലുള്ള ജനസംഖ്യാ എണ്ണത്തിലെ ഗണ്യമായ വ്യത്യാസവും ആഗോള ഇന്ധനച്ചെലവുകളും പരിഹരിക്കാനാണ് ലക്ഷ്യമിടുന്നത്. രാജ്യം സന്ദർശിക്കുന്നവരുടെയും ഇവിടെയെത്തുന്ന പ്രവാസികളുടെയും എണ്ണം പൗരന്മാരോടൊപ്പം തന്നെയാണ്. സമീപഭാവിയിൽ ഉയർന്ന പെട്രോൾ വില നേരിടേണ്ടി വരുമെന്നാണ് വാർത്തയുടെ ഉറവിടങ്ങൾ വ്യക്തമാക്കുന്നത്. വില വർദ്ധനവിൻ്റെ കൃത്യമായ ശതമാനത്തെക്കുറിച്ചുള്ള ചർച്ചകൾ ഇപ്പോഴും തുടരുകയാണ്. അന്തിമരൂപമായാൽ പദ്ധതി സാമ്പത്തിക കാര്യ സമിതിയുടെ അംഗീകാരത്തിനായി സമർപ്പിക്കും. അന്താരാഷ്‌ട്ര വിപണിയിലെ പ്രവണതകൾക്കനുസൃതമായി പ്രാദേശിക വിലകൾ ക്രമീകരിക്കാനുള്ള വിപുലമായ ശ്രമത്തിൻ്റെ ഭാഗമായാണ് പ്രവാസികൾക്ക് പെട്രോൾ വില വർധിപ്പിക്കാനുള്ള സർക്കാർ പദ്ധതി.
