കുവൈറ്റ് സിറ്റി: കിംഗ് അബ്ദുൽ അസീസ് ബിൻ അബ്ദുൾറഹ്മാൻ റോഡിൽ (ഫഹാഹീൽ എക്സ്പ്രസ് വേ) ഫഹാഹീൽ ദിശയിലേക്കുള്ള മൂന്ന് വരികൾ അറ്റകുറ്റപ്പണികളുടെയും വികസന പ്രവർത്തനങ്ങളുടെയും ഭാഗമായി അടച്ചിടും. അഞ്ചാം റിങ് റോഡിന്റെ മുകളിൽ നിന്ന് ബയാൻ, റുമൈത്തിയ പ്രദേശങ്ങളുടെ ഇന്റർ സെക്ഷൻ വരെയാണിത്. ഞായറാഴ്ച (മാർച്ച് 2) വരെ അടച്ചിടൽ ഉണ്ടാകുമെന്ന് ആഭ്യന്തര മന്ത്രാലയം പ്രസ്താവനയിൽ പറഞ്ഞു. അടച്ചിടൽ കാലയളവിൽ ഗതാഗതക്കുരുക്ക് ഒഴിവാക്കാൻ ഡ്രൈവർമാർ ജാഗ്രത പാലിക്കണമെന്നും ഗതാഗത നിർദ്ദേശങ്ങൾ പാലിക്കണമെന്നും ബദൽ വഴികൾ ഉപയോഗിക്കണമെന്നും ജനറൽ ഡിപ്പാർട്ട്‌മെന്റ് ഓഫ് പബ്ലിക് റിലേഷൻസ് ആൻഡ് സെക്യൂരിറ്റി മീഡിയ ആവശ്യപ്പെട്ടു.
