കുവൈത്ത് സിറ്റി: അറ്റകുറ്റപ്പണികൾ നടക്കുന്നതിനാൽ കുവൈത്തിലെ ഫോർത്, ഫിഫ്ത് റിങ് റോഡുകളിലെ ഗതാഗതം തടസ്സപ്പെടുമെന്ന് ആഭ്യന്തര മന്ത്രാലയം അറിയിച്ചു. അൽ ജഹ്റാനിൽ നിന്ന് അൽ സുറാ, അൽ സലാം എന്നിവിടങ്ങളിലേക്കുള്ള ഫിഫ്ത് റിങ് റോഡിന്റെ രണ്ട് എകിസിറ്റുകളും താൽക്കാലികമായി അടച്ചിടും. ഇരുചക്ര വാഹന യാത്രക്കാരെയും ഇതിലൂടെ കടത്തിവിടില്ലെന്ന് ട്രാഫിക് ഡിപ്പാർട്ട്മെന്റ് അറിയിച്ചു. അതേസമയം, അൽ സുറായിൽ നിന്ന് അഹമ്മദിയിലേക്കുള്ള നാലാം റിങ് റോഡിന്റെ എക്സിറ്റും താൽക്കാലികമായി അടച്ചിടുമെന്ന് മന്ത്രാലയം അറിയിച്ചു. ഈ താൽക്കാലിക അടച്ചിടൽ ഫെബ്രുവരി എട്ട് വരെ തുടരും.
