കുവൈറ്റ് സിറ്റി : ഫർവാനിയയിൽ തീപിടിത്തം. വെള്ളിയാഴ്ച വൈകുന്നേരത്തോടെയാണ് സംഭവം ഉണ്ടായത്. അഗ്നിശമന സേനാംഗങ്ങൾ എത്തി തീ നിയന്ത്രണവിധേയമാക്കി. ആളപായമില്ല. അഗ്നിശമന സേനയുടെ അടിയന്തര ഇടപെടൽ തീ കൂടുതൽ പടരുന്നത് തടഞ്ഞു. എല്ലാ താമസക്കാരുടെയും സുരക്ഷ ഉറപ്പാക്കുകയും സ്വത്ത് നാശനഷ്ടങ്ങൾ പരമാവധി കുറയ്ക്കുകയും ചെയ്തുകൊണ്ട് സ്ഥിതിഗതികൾ വേഗത്തിൽ നിയന്ത്രണത്തിലാക്കാൻ ടീമുകൾക്ക് കഴിഞ്ഞതായി അധികൃതർ അറിയിച്ചു. തീപിടിത്തത്തിൻ്റെ കാരണം വ്യക്തമല്ല. അന്വേഷണം ആരംഭിച്ചു
