കുവൈത്ത് സിറ്റി: പാസ്‌പോർട്ട്, വിസ, കോൺസുലാർ അറ്റസ്റ്റേഷൻ എന്നിവയ്‌ക്കായുള്ള ബിഎൽഎസ് ഔട്ട്‌സോഴ്‌സിംഗ് സെന്റർ, കുവൈറ്റ് സിറ്റി, ജലീബ് അൽ-ഷുയൂക്ക് (അബ്ബാസിയ), ഫഹാഹീൽ, ജഹ്‌റ എന്നിവിടങ്ങളിലെ കേന്ദ്രങ്ങളിൽ വിശുദ്ധ റമദാൻ മാസത്തിലെ പ്രവൃത്തി സമയം പ്രഖ്യാപിച്ചു. റമദാൻ ദിവസങ്ങളിൽ പാസ്‌പോർട്ട്, വിസ, അറ്റസ്റ്റേഷൻ സേവനങ്ങൾ എന്നിവയുടെ സ്വീകാര്യതയും പ്രോസസ്സിംഗും ശനിയാഴ്ച മുതൽ വ്യാഴം വരെ രാവിലെ 09:00 മുതൽ ഉച്ചകഴിഞ്ഞ് 3:00 വരെയായിരിക്കും. വെള്ളിയാഴ്ച കേന്ദ്രം അടച്ചിരിക്കും.
കോൺസുലാർ അറ്റസ്റ്റേഷനായി BLS സെന്ററുകളിൽ ഏതെങ്കിലും ഒരു പ്രത്യേക ദിവസം നിക്ഷേപിക്കുന്ന രേഖകൾ അടുത്ത പ്രവൃത്തി ദിവസം വൈകുന്നേരം 3:00 മുതൽ 4:00 വരെ അതത് BLS സെന്ററിൽ അപേക്ഷകർക്ക് തിരികെ നൽകുന്നതാണ്. അടിയന്തര സാഹചര്യങ്ങളിൽ അതേ ദിവസം തന്നെ അറ്റസ്റ്റേഷനുള്ള അഭ്യർത്ഥനകൾ അത്യാവശ്യം ആണെങ്കിലോ അടിയന്തര ആവശ്യത്തിന് ഉള്ളതാണെങ്കിലോ കേസ്-ടു-കേസ് അടിസ്ഥാനത്തിൽ തീരുമാനിക്കും.
