കുവൈറ്റ് സിറ്റി: മനുഷ്യക്കടത്തും നിയമവിരുദ്ധ വിസ കച്ചവടവും നടത്തിയ അഞ്ചു പേർ അറസ്റ്റിലായി. ഒരാൾക്ക് 800 മുതൽ 1300 വരെ കുവൈറ്റ് ദിനാർ വരെ ഫീസ് ആവശ്യപ്പെട്ട് പ്രവാസി തൊഴിലാളികളുടെ വിസ സ്പോൺസർ ചെയ്യുന്നതിനായി കുവൈറ്റ് പൗരന്മാരുമായി ചേർന്ന് പ്രവർത്തിച്ചു വരികയായിരുന്നു . ഈ നിയമവിരുദ്ധമായ കച്ചവടം തൊഴിൽ നിയമങ്ങൾ ലംഘിക്കുക മാത്രമല്ല, പ്രവാസി തൊഴിലാളികളെ ചൂഷണം ചെയ്യുകയും ചെയ്തിരുന്നു. പ്രതികൾക്കെതിരെ ആവശ്യമായ എല്ലാ നിയമ നടപടികളും ആരംഭിച്ചിട്ടുണ്ട്. വിസ കടത്ത്, തൊഴിൽ ചൂഷണം, മറ്റ് സംഘടിത കുറ്റകൃത്യങ്ങൾ എന്നിവയുൾപ്പെടെയുള്ള നിയമവിരുദ്ധ പ്രവർത്തനങ്ങൾ കൈകാര്യം ചെയ്യുന്നതിനുള്ള കുവൈത്തിൻ്റെ വിപുലമായ സംരംഭത്തിൻ്റെ ഭാഗമാണ് ഈ നടപടി.
