കുവൈത്ത് സിറ്റി: കുവൈറ്റിലുടനീളം മയക്കുമരുന്നും സൈക്കോട്രോപിക് ലഹരിവസ്തുക്കളും വിതരണം ചെയ്തിരുന്ന ഏഴുപേരെ അറസ്റ്റു ചെയ്തു. ഏഷ്യൻ പൗരത്വമുള്ളവരാണിവർ. ഒരു അന്താരാഷ്ട്ര ക്രിമിനൽ സംഘടനയുടെ മാർഗനിർദേശപ്രകാരമാണ് സംഘം പ്രവർത്തിച്ചതെന്ന് അധികൃതർ വെളിപ്പെടുത്തി. 16 കിലോഗ്രാം വിവിധ മയക്കുമരുന്നുകൾ, 9,000 സൈക്കോട്രോപിക് ഗുളികകൾ, മയക്കുമരുന്ന് വിതരണത്തിന് ഉപയോഗിക്കുന്ന 9 പ്രിസിഷൻ സ്കെയിലുകൾ എന്നിവ ഇവരിൽ നിന്നും പിടിച്ചെടുത്തു. പ്രതികളെയും പിടികൂടിയ സാമഗ്രികളും നിയമനടപടികൾക്കായി ഡ്രഗ്സ് ആൻഡ് ആൽക്കഹോൾ പ്രോസിക്യൂഷൻ ഓഫീസിലേക്ക് മാറ്റി.
