കുവൈത്ത് സിറ്റി: കുവൈത്തിൽ ദ്വിദിന സന്ദർശനത്തിന് എത്തുന്ന ഇന്ത്യൻ പ്രധാനമന്ത്രി നരേന്ദ്രമോദി 26മത് അറേബ്യൻ ഗൾഫ് കപ്പ് മത്സരങ്ങളുടെ ഉദ്ഘാടന പരിപാടിയിൽ മുഖ്യാതിഥിയാകും. മോദി ഈ മാസം 21 ന് കുവൈത്തിലെത്തും. അമീർ ഷെയ്ഖ് മിഷാൽ അൽ അഹ്മദ് അൽ സബാഹ് ഉൾപ്പെടെയുള്ള പ്രമുഖരുമായി മോദി ചർച്ച നടത്തും. ഇൻഡോർ സ്റ്റേഡിയത്തിൽ ഇന്ത്യൻ സമൂഹത്തെ അഭിസംബോധന ചെയ്യും. തൊഴിലാളി ക്യാമ്പുകൾ സന്ദർശിക്കുമെന്നും സൂചനയുണ്ട്. പ്രധാനമന്ത്രിയായ ശേഷം ആദ്യമായാണ് മോദി കുവൈത്തിലെത്തുന്നത്.
