കുവൈത്ത് സിറ്റി: മർസൂഖ് അൽ ഗാനിം വീണ്ടും കുവൈത്ത് പാർലമെൻറ് സ്പീക്കറായി തെരഞ്ഞെടുക്കപ്പെട്ടു.മൂന്നാം തവണയാണ് മർസൂഖ് അൽ ഗാനിം സ്പീക്കറാവുന്നത്.മർസൂഖ് 33 വോട്ടുകൾ നേടിയപ്പോൾ എതിർ സ്ഥാനാർഥി ബദർ അൽ ഹുമൈദിക്ക് 28 വേട്ട് നേടാൻ മാത്രമേ കഴിഞ്ഞുള്ളൂ.
എംപിമാരായ മര്‍സൂഖ് അല്‍ ഖലീഫയുടെയും
ഡോ. അബ്ദുല്‍കരീം അല്‍ കന്ദാരിയുടെയും വസതികളിൽ ചേർന്ന യോഗത്തിൽ 37 എം.പിമാർ മർസൂഖ് അൽ ഗാനിമിനെതിരെ ഒന്നിച്ച് നിൽക്കാനും ഹുമൈദിക്ക് പിന്തുണ നൽകാനും തീരുമാനിച്ചിരുന്നു. എന്നാൽ വോട്ട് എണ്ണിയപ്പോൾ പ്രതിപക്ഷ പൊതു സ്ഥാനാർഥിക്ക് 28 വോട്ടു മാത്രമേ ലഭിച്ചുള്ളൂ. 50 അംഗ പാർലമെൻറിലെ എം.പിമാർക്കും മന്ത്രിമാർക്കും വോട്ടുണ്ട്.
