കുവൈത്ത് സിറ്റി: യു.എസ്.എയിൽ നിന്ന് കുവൈത്തിലേക്ക് കടത്താൻ ശ്രമിച്ച 16 കിലോഗ്രാം കഞ്ചാവും 5 കിലോഗ്രാം മെത്താംഫെറ്റാമൈനും അടങ്ങിയ പാഴ്സൽ എയർ കസ്റ്റംസ് അഡ്മിനിസ്ട്രേഷനിലെ കസ്റ്റംസ് ഉദ്യോഗസ്ഥർ പിടികൂടി. കുവൈറ്റ് പൗരൻ്റെ പേരിലാണ് പാക്കേജ് എത്തിയത്.പാക്കേജിൽ നിരോധിത വസ്തുക്കൾ അടങ്ങിയിട്ടുള്ളതായികസ്റ്റംസ് ഉദ്യോഗസ്ഥർക്ക് വിവരം ലഭിച്ചതിനെ തുടർന്നായിരുന്നു പരിശോധന. പരിശോധനയിൽ ഏകദേശം 16 കിലോഗ്രാം മരിജുവാനയും 5 കിലോഗ്രാം ക്രിസ്റ്റൽ മെത്തും മയക്കുമരുന്ന് ഒളിപ്പിക്കാൻ വിദഗ്ദ്ധമായി നിർമിച്ച പൊള്ളയായ ഇരുമ്പ് ബാരലും കണ്ടെത്തി. പിടിച്ചെടുത്ത വസ്തുക്കൾ കൂടുതൽ അന്വേഷണത്തിനും ആവശ്യമായ നടപടികൾക്കുമായി ബന്ധപ്പെട്ട അധികാരികൾക്ക് കൈമാറി.
