കുവൈറ്റ് സിറ്റി: അന്താരാഷ്ട്ര വനിതാ ദിനത്തോടനുബന്ധിച്ച് ബ്ലഡ് ഡോണേഴ്സ് കേരള കുവൈറ്റ് ചാപ്റ്ററുമായി സഹകരിച്ച് മലയാളി മംസ് മിഡിൽ ഈസ്റ്റ് (എംഎംഎംഇ) കുവൈറ്റ് രക്തദാന ക്യാമ്പ് സംഘടിപ്പിച്ചു.”ലിംഗസമത്വത്തിനായുള്ള പ്രവർത്തനം ത്വരിതപ്പെടുത്തുക” എന്ന 2025 ലെ അന്താരാഷ്ട്ര വനിതാ ദിന പ്രമേയത്തിൽ ശ്രദ്ധ കേന്ദ്രീകരിച്ച്, സ്ത്രീകളെ ശാക്തീകരിക്കാനും നിസ്വാർത്ഥമായ സംഭാവനകളിലൂടെ സാമൂഹിക ക്ഷേമം പ്രോത്സാഹിപ്പിക്കാനും ലക്ഷ്യമിട്ടു കൂടി ആണ് ക്യാമ്പ് സംഘടിപ്പിച്ചത്. ഫെബ്രുവരി 22, ശനിയാഴ്ച, 3 മണി മുതൽ വൈകുന്നേരം 6 മണി വരെ ജാബ്രിയ സെൻട്രൽ ബ്ലഡ് ബാങ്കിൽ ആണ് ക്യാമ്പ് സംഘടിപ്പിച്ചത്. അമ്പിളി ശശിധരൻ, അമീറ ഹവാസ് , ആര്യ വിജയ്, പൂജ ഹണി, രൂപ വിജേഷ്, സഫിയ സിദ്ദിഖ്, ധന്യ, സിത്താര സുജിത്ത് എന്നിവർക്കൊപ്പം ബി ഡി കെ കുവൈറ്റ് ഏഞ്ചൽസ് വിങ് പ്രവർത്തകരും ക്യാമ്പിന് നേതൃത്വം നൽകി.
സാമൂഹികക്ഷേമ തല്‍പ്പരരായ വ്യക്തികള്‍, സംഘടനകള്‍ എന്നിവര്‍ക്ക് രക്തദാന ക്യാമ്പുകളും അനുബന്ധ ബോധവല്‍ക്കരണ പരിപാടികളും സംഘടിപ്പിക്കുന്നതിനും അതുപോലെ അടിയന്തിര രക്ത ആവശ്യങ്ങള്‍ക്കും ബി ഡി കെ കുവൈറ്റ് ഘടകത്തിനെ 99811972, 90041663 എന്നീ നമ്പറുകളില്‍ ബന്ധപ്പെടാവുന്നതാണ്.
