കുവൈത്ത് സിറ്റി: കുവൈറ്റിലുടനീളം സമഗ്രമായ പരിശോധനകൾ നടത്തി കുവൈത്ത് ഫയർ ഫോഴ്സ്. മേജർ ജനറൽ തലാൽ അൽ റൗമിയുടെ നേതൃത്വത്തിലാണ് പരിശോധനകൾ നടത്തുന്നത്. ലംഘനങ്ങൾ, കാലഹരണപ്പെട്ട ഫയർ ലൈസൻസുകൾ, ലൈസൻസില്ലാത്ത കെട്ടിടങ്ങൾ, അനുചിതമായ സംഭരണ രീതികൾ എന്നിവ കണ്ടെത്തുന്നതിലാണ് ഈ പരിശോധനകൾ ശ്രദ്ധ കേന്ദ്രീകരിക്കുന്നത്. ചൊവ്വാഴ്ച ഷുവൈഖ് ഇൻഡസ്ട്രിയൽ ഏരിയയിൽ 45 അഗ്നിശമന സേനാംഗങ്ങളെ വിന്യസിച്ച് വിവിധ സ്ഥലങ്ങളിൽ പരിശോധന നടത്തിയിരുന്നു. അഗ്നി സുരക്ഷാ ചട്ടങ്ങൾ ലംഘിക്കുന്ന വെയർഹൗസുകൾ, സ്റ്റോറുകൾ, മറ്റ് സൗകര്യങ്ങൾ എന്നിവയുൾപ്പെടെ സുരക്ഷിതമല്ലാത്ത സ്ഥലങ്ങൾ തിരിച്ചറിയുന്നതിലാണ് സംഘം ശ്രദ്ധ കേന്ദ്രീകരിച്ചത്. സ്ഥാപിതമായ അഗ്നി സുരക്ഷാ മാനദണ്ഡങ്ങൾ പാലിക്കുന്നുണ്ടെന്ന് ഉറപ്പാക്കുന്നതിന്റെ ഭാഗമായിരുന്നു പരിശോധനകൾ.
