കുവൈത്ത് സിറ്റി: ആവശ്യമായ ആനുകാലിക റിപ്പോർട്ടുകൾ സമർപ്പിക്കുന്നതിൽ പരാജയപ്പെട്ടതിനാൽ അഞ്ച് ചാരിറ്റബിൾ സൊസൈറ്റികളുടെ സാമ്പത്തിക അക്കൗണ്ടുകൾ താൽക്കാലികമായി സസ്പെൻഡ് ചെയ്തതായി സാമൂഹികകാര്യ മന്ത്രാലയം അറിയിച്ചു.
ചാരിറ്റബിൾ മേഖലയിലെ സുതാര്യത വർധിപ്പിക്കുന്നതിന്റെ മന്ത്രാലയത്തിൻ്റെ പ്രതിബദ്ധതയാണ് ഈ നടപടി വ്യക്തമാക്കുന്നത്. ആവശ്യമായ റിപ്പോർട്ടുകൾ ലഭിച്ചാൽ സസ്പെൻഷൻ പിൻവലിക്കുമെന്ന് ശനിയാഴ്ച പുറത്തിറക്കിയ പ്രസ്താവനയിൽ മന്ത്രാലയം വ്യക്തമാക്കി. ഈ നടപടി ഗുരുതരമായ ലംഘനങ്ങളെ സൂചിപ്പിക്കുന്നതല്ലെന്നും പകരം ഓരോ സാമ്പത്തിക വർഷാവസാനത്തിലും ചാരിറ്റബിൾ ഓർഗനൈസേഷനുകൾ അവരുടെ സാമ്പത്തിക, ഭരണ റിപ്പോർട്ടുകൾ പ്രസിദ്ധീകരിക്കണമെന്ന് നിർബന്ധമാക്കുന്ന മിനിസ്റ്റീരിയൽ റെസല്യൂഷൻ നമ്പർ (74/A) പാലിക്കുന്നുണ്ടെന്ന് ഉറപ്പാക്കാനുള്ള നടപടിക്രമപരമായ നടപടിയാണെന്നും പ്രസ്താവനയിൽ പറഞ്ഞു.
