കുവൈത്ത് സിറ്റി: കുവൈറ്റിലെ അനധികൃത താമസ സമ്പ്രദായങ്ങളെ ചെറുക്കാനുള്ള ശ്രമങ്ങളുടെ ഭാഗമായി റെസിഡൻസി പെർമിറ്റ് വിൽപന നടത്തുന്ന സംഘത്തെ അറസ്റ്റ് ചെയ്തു. പ്രഥമ ഉപപ്രധാനമന്ത്രിയും പ്രതിരോധ മന്ത്രിയും ആഭ്യന്തര മന്ത്രിയുമായ ഷെയ്ഖ് ഫഹദ് യൂസഫ് സൗദ് അൽ-സബാഹിൻ്റെ നിർദ്ദേശപ്രകാരം റെസിഡൻസ് അഫയേഴ്‌സ് ഇൻവെസ്റ്റിഗേഷൻസ് ജനറൽ ഡിപ്പാർട്ട്‌മെൻ്റ് ആണ് ഇവരെ പിടികൂടിയത്. ഈജിപ്ഷ്യൻ, സിറിയൻ പൗരത്വമുള്ള വ്യക്തികൾ അടങ്ങുന്ന ഒരു സംഘമാണിത്. ഇവർ തൊഴിലാളികളുടെ താമസ പദവി നിലവിലില്ലാത്ത കമ്പനിക്ക് കൈമാറിയിരുന്നു. അവരുടെ നിയമവിരുദ്ധമായ സേവനങ്ങൾക്ക് പകരമായി, ഒരു തൊഴിലാളിയിൽ നിന്ന് 700 മുതൽ 1,000 കുവൈറ്റ് ദിനാർ വരെ ഈടാക്കുകയും ചെയ്തു. കുവൈറ്റിൻ്റെ റസിഡൻസി സമ്പ്രദായത്തിൻ്റെ സമഗ്രത ഉറപ്പുവരുത്തുന്നതിനും റെസിഡൻസി കടത്ത് തടയുന്നതിനുമുള്ള മന്ത്രാലയത്തിൻ്റെ നിരന്തരമായ പ്രതിബദ്ധതയ്ക്ക് അടിവരയിടുന്നതാണ് ഈ നടപടി.
