അറുപതാമത് സംസ്ഥാന സ്‌കൂള്‍ കലോത്സവത്തില്‍ കിരീടത്തില്‍ മുത്തമിട്ട് പാലക്കാട്. 951 പോയിന്റോടെയാാണ് പാലക്കാടിന്റെ കിരീടനേട്ടം. അവസാന മണിക്കൂറുകളില്‍ നടന്ന ആവേശകരമായ പോരാട്ടത്തിന് ഒടുവിലാണ് ഒന്നാം സ്ഥാനം പാലക്കാട് സ്വന്തമാക്കിയത്. കഴിഞ്ഞ വര്‍ഷവും പാലക്കാട് ആയിരുന്നു കലോത്സവ കിരീടം നേടിയത്. സ്‌കൂളുകളില്‍ 161 പോയിന്റുകള്‍ നേടി പാലക്കാട് ആലത്തൂര്‍ ബിഎസ്എസ് ഗുരുകുലം ഹയര്‍സെക്കന്‍ഡറിയാണ് മുന്നിലെത്തി. ആലപ്പുഴ മാന്നാറിലെ എന്‍എസ് ബോയിസ് ഹൈസ്‌കൂള്‍ 130 പോയിന്റുമായി രണ്ടാമതും ഇടുക്കി കുമാരമംഗലം എംകെഎന്‍എം ഹൈസ്‌കൂള്‍ 109 പോയിന്റുകളുമായി മൂന്നാമതുമെത്തി.
കോഴിക്കോട്, കണ്ണൂര്‍ ജില്ലകളില്‍ നിന്ന് രണ്ട് പോയിന്റിന്റെ മുന്‍തൂക്കത്തിലാണ് പാലക്കാട് കിരീടം നിലനിര്‍ത്തിയത്. സംസ്‌കൃതോത്സവത്തില്‍ എറണാകുളവും തൃശ്ശൂരും ജേതാക്കളായി. അറബിക് കലോത്സവത്തില്‍ നാല് ജില്ലകള്‍ ഒന്നാം സ്ഥാനം പങ്കിട്ടു.
