കുവൈറ്റ്: വഖഫ് ബില്ല് ഭരണഘടന വിരുദ്ധമാണെന്നു പിസിഎഫ് കുവൈറ്റ്, ഇത് ഭരണഘടന ഉറപ്പ് നല്‍കുന്ന മൗലികാവകാശങ്ങളുടെ ലംഘനമാണ് , മുസ്‌ലിം സമുദായത്തിന്റെ അവകാശങ്ങൾ നിഷേധിക്കുന്നതിനു വേണ്ടിയുള്ള കുൽസിത ശ്രമമാണ് ഈ ബില്ലിന് പിന്നില്‍. സമൂഹത്തെ ഭിന്നിപ്പിക്കാനുള്ള ബില്ലാണിതെന്നും പിസിഎഫ് കുവൈറ്റ് അഭിപ്രായപ്പെട്ടു. വഖഫ് ബില്ല് ഭരണഘടന ഉറപ്പ് നല്‍കുന്ന മൗലികാവകാശങ്ങളുടെ ലംഘനമാണ്. വഖഫ് സ്വത്തുക്കളുടെ നിയന്ത്രണം കേന്ദ്രീകരിക്കാനും മുസ്‌ലിം സമൂഹത്തിന്റെ അവകാശങ്ങളെ ദുര്‍ബലപ്പെടുത്താനും മതപരമായ കാര്യങ്ങളില്‍ സര്‍ക്കാര്‍ അതിക്രമിച്ച് കടക്കുന്നതിന്റെ അപകടകരമായ കീഴ്‌വഴക്കം സൃഷ്ടിക്കാനുമാണ് ബില്ലിന്റെ ഉദ്ദേശം. മുസ്‌ലിം സമൂഹത്തിന് അവരുടെ മതപരമായ കാര്യങ്ങള്‍ നിര്‍വഹിക്കാനുള്ള അവകാശമുണ്ടാകണം. അത് നിഷേധിക്കുന്ന സമീപനം ഹിന്ദുത്വ ഫാസിസ്റ്റു സർക്കാർ തുടർന്ന് കൊണ്ടേ ഇരിക്കുന്നു അതിന്റെ അവസാനത്തെ തെളിവാണ് ഈ പുതിയ ബില്ല് . വഖഫ് ബോര്‍ഡില്‍ അമുസ്‌ലിങ്ങളെ ഉള്‍പ്പെടുത്തുന്നത് മുസ്‌ലിം സമുദായത്തിന്റെ മതപരമായ സ്വയം ഭരണത്തിലുള്ള കടന്നാക്രമണമാണ്. ഫാസിസ്റ്റു ഭരണകൂടത്തിന്റെ നെറിക്കേടിനെതിരെ ശക്തമായ പ്രക്ഷോപങ്ങൾ ഉയർന്നു വരേണ്ടതാണ്, അതിനു വേണ്ടി എല്ലാ മതേതര-ജനാധിപത്യ പാർട്ടികളും ഒറ്റക്കെട്ടായി മുന്നോട്ട് വരണമെന്ന് പിസിഎഫ് കുവൈറ്റ് ആവശ്യപ്പെട്ടു.
