കുവൈറ്റ്‌ സിറ്റി : വരാനിരിക്കുന്ന വേനലവധിക്കാലത്തേക്കുള്ള തയ്യാറെടുപ്പ് വൈദ്യുതി, ജല മന്ത്രാലയം ആരംഭിച്ചതായി പവർ പ്ലാൻ്റ്സ് ആൻഡ് വാട്ടർ ഡിസ്റ്റിലേഷൻ ആക്ടിംഗ് അസിസ്റ്റൻ്റ് അണ്ടർസെക്രട്ടറി എഞ്ചിനീയർ ഹൈതം അൽ-അലി പറഞ്ഞു. പവർ സ്റ്റേഷനുകളുടെ അറ്റകുറ്റപ്പണികൾ ദ്രുതഗതിയിൽ നടക്കുന്നുണ്ടെന്നും ഏകദേശം 30% ജോലികൾ പൂർത്തിയായതായും അദ്ദേഹം പറഞ്ഞു. വാട്ടർ സ്റ്റേഷനുകളിലെ അറ്റകുറ്റപ്പണിയുടെ 60 ശതമാനവും പൂർത്തിയായിട്ടുണ്ട്. ജൂണിൽ ആരംഭിച്ച് സെപ്റ്റംബറിൽ സമാപിക്കുമെന്ന് പ്രതീക്ഷിക്കുന്ന വരാനിരിക്കുന്ന വേനൽക്കാല സീസണിനായി മന്ത്രാലയം ഒരു പ്ലാനും ടൈംടേബിളും രൂപപ്പെടുത്തിയിട്ടുണ്ട്. വൈദ്യുതി മുടക്കം തടയുന്നതിന് ഊർജം സംരക്ഷിക്കാൻ പൗരന്മാരോടും സർക്കാർ സ്ഥാപനങ്ങളോടും സ്വകാര്യ കമ്പനികളോടും അദ്ദേഹം അഭ്യർത്ഥിച്ചു.
