കുവൈത്ത് സിറ്റി: മന്ത്രാലയത്തിൽ നിന്നാണെന്ന് തെറ്റുധരിപ്പിച്ച് നിരവധി താമസക്കാർക്ക് വ്യാജ സന്ദേശങ്ങൾ ലഭിക്കാൻ തുടങ്ങിയതിന് പിന്നാലെ ട്രാഫിക് പിഴയെക്കുറിച്ചുള്ള വ്യാജ സന്ദേശങ്ങൾക്കെതിരെ ആഭ്യന്തര മന്ത്രാലയം മുന്നറിയിപ്പ് നൽകി. ഗതാഗത നിയമലംഘന പേയ്‌മെന്‍റുകൾ മന്ത്രാലയം അല്ലെങ്കിൽ സഹേൽ പോലുള്ള ഔദ്യോഗിക ചാനലുകൾ വഴി മാത്രമേ നൽകാവൂ എന്ന് മന്ത്രാലയം വ്യക്തമാക്കി. അന്താരാഷ്ട്ര ഫോൺ നമ്പറുകളിൽ നിന്ന് ഒരിക്കലും സന്ദേശങ്ങൾ അയക്കില്ലെന്നും മന്ത്രാലയം അറിയിച്ചു. സമീപ ദിവസങ്ങളിൽ, നിരവധി താമസക്കാർക്ക് ട്രാഫിക് പിഴയെക്കുറിച്ചുള്ള എസ്എംഎസ് അറിയിപ്പ് ലഭിച്ചു, കൂടാതെ moi.govckw.com പോലുള്ള ചില വ്യാജ വെബ്‌സൈറ്റുകൾ ഉപയോഗിച്ച് പിഴയടക്കാൻ നിർദേശിക്കുകയും ചെയ്തിരുന്നു.
